LUKA 8:47 - Mara Bible RV (BSI)

⁴⁷ Chanô cha â nyu thei khao leipa â pahno nahta, achalyuna chôta a vy ta, a hmiakô liata pao ta, a hriana chhâpa nata thlai a tlâh hanazie zy cha chyhsa zydua hmiakô liata phuah ta.

LUKA 8:47 ပူးပေါင်းရင်းမြစ်များ

HLAZY 2:11

China chôta Abeipa chakao u la, Achalyuna chôta thaphapa ta y teh u.

HLAZY 38:9

Hy Abeipa, ei khopa hmo cha na hmiakô liata y ta, Ei hrôna chhao he nâma tawhta nyupa châ vei.

HLAZY 66:16

Nâmo, Khazohpa a chipa zydua saih u, A vy u la, nathlie teh u; Ei hro châta a hmotaopazy ei cha chho aw ei.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

HÔSIA 13:1

Epharai ta bie a reih khiahta cha, Chyhsazy amâ chalyu tyh; Ano cha Izarei liata cheihchalopa a châ. Châhrasala Bâlâ vâta thailei châ ha ta, Chavâta a thi haw.

HÔSIA 5:3

Epharai cha pahno na ta, Izarei ta nâ nyusai thei vei. Hy Epharai, sihryh ha chi ta, Hy Izarei, na pualei haw.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

MATHAI 28:8

Chanôzy cha china nata thaphana chôta thlâ tawhta thlai a lie ei ta, a pachupazy chho awpa ta a râ ei ta.

MÂKA 5:33

Chanô cha a chô liata hmo a tlôpa cha pahnopa ta, chipa nata achalyuna chôta a vy ta, a hmiakô liata pao ta, a hnohta ato â dopa ta chho khai ta.

LUKA 8:46

Châhrasala Zisu ta, “Ahy tlyma ta eina hria, hmotaotheina ei chhôh tawhta a puapa ei pahno,” tah ta.

LUKA 8:48

Zisu ta a hnohta, “Ei sawchanô, nâ ngiapâna ta a cha patlâh haw. Thlalôhpa ta sie mah y,” tah ta.

HMOTAOPAZY 16:29

Patâhna o vaituhpa cha meiôh pado ta, thlai a ngia ta, chipa ta a chalyuna chôta Pawla nata Sila hmiakô liata â khu lâta pao ta.

1 KAWRINI 2:3

Chiehleina, china nata thata achalyuna chôta nama hry liata ei y tyh.

2 KAWRINI 7:15

Nama zydua ta reingiah ngaitapa châ ei chi ta, china nata chalyuna chôta namâ vaw lyzie â thei thlâh hapa vâta, a cha tlaichhaina ei a pôh via lymâ.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

HEBRAI 12:28

Chatanachata khinarâh a chalyu thei leipa eima topa vâna heta, alyna châh pahno sih la, a pyh tlâhpa achhyna cha, china nata zana chôta Khazohpa lâ hlâ ei suh u,

1 SAMUELA 16:4

Samuela cha Abeipa reipa hawhta tao ta, Bethlehe lâ cha sie ta. Khihpi machâzy ta a chalyuna chôta ano cha vaw dy ei ta, “Thlalôhna bie a vaw phaohpa na châ ma?” tah ei ta.