LUKA 8:44 - Mara Bible RV (BSI)

⁴⁴ Cha chanô cha Zisu hnôh lâta pazi ta, a poh pai hria ta, a thi lopa cha thlai a hâh ha ta.

LUKA 8:44 ပူးပေါင်းရင်းမြစ်များ

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 20:34

Zisu ta âmo cha ngiachhie kaw ta. Chatanachata ama mozy cha hria ta, thlai hmô thei ha ei ta, Zisu cha ama zi pâ haw.

MATHAI 8:3

Zisu ta a ku ta kei paza ta, phawhpa cha hria ta, a hnohta, “Ei khoh na, pathaih mah y,” tah ta. Phawhpa cha thlai pathaih ha ta.

MATHAI 9:20

Chanô pakha kô hrawh hleino thi lohpa ta tlâhleipa ta a hnôh lâta pazi ta, a poh pai hria ta,

MÂKA 6:56

Khitaw liata zy, khihpi liata zy, lyu liata zy, khataih lia rai ta a siena maihta, tlâhleipazy cha sôhdaoh su liata zy pazia ei ta, a poh pai chhâ hria awpa ta Zisu cha a haw ei ta, a hriapa maihta tlâh lymâ ei ta.

LUKA 13:13

A chô liata a ku pahnieh ta, chanô cha â patlâpa ta thlai a vaw duah ta, Khazohpa cha reithai ha ta.

LUKA 7:38

Mothlih chhaota a hnôh lâta a phei thaby liata a duah ta, chanô mothlih ta Zisu phei cha padâ khai ha ta. A mothlih cha a sâ ta hru ta, Zisu phei cha a pahnâ ta, sathaw ropahâhpa ta a pheizy cha thu ta.

LUKA 8:43

Chanô pakha kô hrawh hleino thi lohpa, a sôh hneipa zydua dawhtyzy liata a hmâh khai tawh chhao ta, ahy ta hmah ama patlâh thei leipa y ta.

LUKA 8:45

Zisu ta, “Ahy nâ hria?” tah ta. Chyhsa to ta ama hria leizie reih ei ta, Pity ta, “Pachutuhpa, zawpizy ta thata cha by ei ta, ama cha chakho hôlô!” tah ta.

ZAWHÂNA 5:13

Châhrasala chyhsa a tlâh hapa ta a patlâhtuhpa cha ahy ma a châ tahpa pahno leipa ta, cha liata zawpi ama hluhpa vâta, Zisu hra cha sie ha ta.

HMOTAOPAZY 19:12

Pawla pôhpa a hria hapa rumâ nata hruna poh hawhpazy taihta tlâhleipazy lâ cheih ei ta, ama hriiahzy ta âmo cha puasai ta, thlahpa chhiepazy chhao ama chhôh tawhta pua lymâ ei ta.

HMOTAOPAZY 5:15

Pity â vy tita, a nohpahlipa chhâ ta a pahli thei nawpa ei ta, tlâhleipazy a vaw sy ei ta, rakhô nata hmohphawzy chô liata paziapa ta lâlaizy liata soh ei ta.

RYHPACHANEINA 22:12

“Poh namâ bu awpa cha, a ki mia palih liata pala pai pachhaohpa ta nama chakhi awpa a châ.