LUKA 8:3 - Mara Bible RV (BSI)

³ Herawda sôh mokhâhtuhpa Kuza lapinô Zôanâ, Susanâ nata ahropa hluhpizy ama châ. Âmozy chata ama hneina tawhta Zisu cha ama deichhy lymâ.

LUKA 8:3 ပူးပေါင်းရင်းမြစ်များ

1 THÂTIHZYRONA 29:14

“Ahy ma châ na ta, ei chiheihzy chhao he ahyzy ma châ ei ta, he hawhta keimo kho tlai ta hmopiepazy eima vaw hlâ thei tly? Hmo to nâ tawhta eima hmôpa châ ta, na eih eima cha pie lilaw heihpa dei a châ.

ISAI 23:18

Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEI­PA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.

MATHAI 14:1

Cha daihti liata, Kâlili râh ryureituhpa Herawda ta Zisu thâtih cha thei ta.

MATHAI 14:3

Herawdâ ta a unawhpa Phili lapinô Herawdi vâta Zawhâna cha patu ta, chahry ta patâhna o liata a vaw khô hapa a châ.

MATHAI 14:6

Herawda pina noh vaw tlô ta, alykheituhpazy hmiakô liata Herawdi sawchanônô ta lâh ta, cha chata Herawda cha palysa kaw ta.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

MATHAI 20:8

A vaw zâlâ nahta, kre sadô hneituhpa ta raihria mohôhtuhpa hnohta, ‘Hriatuhpazy aw la, ama hria hlao pie teh, a hnôh chaipa tawhta a thaopa ta a hmiatua chaipa taihta na pie aw ei,’ tah ta.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 26:11

Dyhchhiepazy cha nama hnohta khâ ama y thlâh ha aw. Kei deikua cha nama hnohta khâ a y awpa châ va na.

MATHAI 27:55

Cha liata chanô hluhpi, Zisu deichhy lymâpa ta Kâlili tawhta a vaw zipazy y ei ta, lâhlapi tawhta sai ei ta.

LUKA 24:10

Mâri Mâdali, Zôanâ, Zâmie nô Mâri nata ama hnohta a ypa chanô hropazy ta a thyuheihna thâtih cha lyuhchâpazy kei chho ei ta.

ZAWHÂNA 12:6

Chyhsa dyhchhiepazy a pachâpa vâta châ leipa ta, parupa châ ta, tâkâ sahria â vaopa chhôh liata sopazy a la tyhpa a châpa vâta, cha bie cha a reipa a châ.

HMOTAOPAZY 13:1

Antiôkâ Awnanopa sahlaozy hry liata hrohsopazy nata pachutuhpazy y ei ta. Chazy cha Bânabâ zy, Nikâ ama tahpa Simeôna zy, Kurini khihpa Lukia zy, Bei Herawda unawh heihpa Manaina nata Sawla zy ama châ.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

PHILIPI 4:22

Mopathaihpa zydua ta châ naoh ei ta, Kaisarâ chhôhkha liata a ypazy ta amâ châ naoh pachai.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.