LUKA 8:24 - Mara Bible RV (BSI)

²⁴ Vawh ei ta, Zisu cha kei pathyu ei ta, a hnohta, “Pachutuhpa, Pachutuhpa, eima leidia aw he zaw!” tah ei ta. Zisu cha a vaw hra ta, thlih nata tichatlaopa ru ngaitapa cha ra ta, a chalih ei ta, sidia ha ta.

LUKA 8:24 ပူးပေါင်းရင်းမြစ်များ

HLAZY 65:7

Tilaipi a aoh ngâpazy chalihsa chi ta, Ama tichatlaopa a aoh ngâpazy chalihsapa ta, Phopizy atlaokalina na chalihsa haw.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

NÂHU 1:4

Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

MATHAI 14:30

Châhrasala thlihpipa a hmô nahta, chi ngaita ta, a pamôh pathao ha ta, “Abeipa, na pachha teh,” tahpa ta awh ta.

MATHAI 8:25

A pachupazy a vy ei ta, Zisu cha pahra ei ta, “Abeipa, miah pachha teh, eima leidia hai hih,” tah ei ta.

MÂKA 4:39

Zisu cha kaw thyu ta, thlih cha ra ta, tilaipi hnohta, “A chalih la, a thlih molo teh!” tah ta. Thlih cha a chalih ta, sidia ha ta.

LUKA 4:35

Zisu ta ano cha ra ta, a hnohta, “A chalih la, a chhôh tawhta pua teh!” tah ta. Cha chyhsa cha ahripa ta ama hry liata papaosa ta, pasasa leipa ta, a chhôh tawhta a vaw pua haw.

LUKA 4:39

A kiapâh liata a kei duah ta, hrisypa cha ra ta, pai ha ta. Pity pihnô cha thlai thyu ta, âmo cha chakao ta.

LUKA 5:5

Saimaw ta a chhy ta, “Hyutuhpa y, azozâkhihdei ta hriapasa pi ta, khâpa hmah patu ma pi. Châhrasala na bie hawhta sao cha ei vawh aw,” tah ta.

LUKA 8:25

Zisu ta ama hnohta, “Khataih liata namâ ngiapâna a y haw?” tah ta. Chi kaw ei ta, ama noâh ngaita ta, “He chyhsa he ahy ma a châ tly? Thlih nata ti taih biepie ta, a bie ama zyhpa he!” tah ei ta.