LUKA 8:16 - Mara Bible RV (BSI)

¹⁶ “Ahy hmah meiôh rao sala beih ta khu beih leipa ta, rakhô ry liata soh beih hra vei. O chhôh lâ a ngiapazy ta khaihna ama hmô thei nawpa ta, meiôh sona liata a soh tyh.

LUKA 8:16 ပူးပေါင်းရင်းမြစ်များ

LUKA 11:33

“Ahy hmahta meiôh rao sala su nyupa liata soh beih leipa aw ta, beih ta khu beih hra aw vei. O chhôh lâ a ngiapazy ta khaihna ama hmô thei nawpa ta, meiôh sona liata a soh tyh.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.

BIEPHUAH 11:4

Âmo cha ôli tho miano nata meiôh patyuna alei Beipa hmiakô liata a duah tyhpazy ama châ.