LUKA 8:15 - Mara Bible RV (BSI)

¹⁵ Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

LUKA 8:15 ပူးပေါင်းရင်းမြစ်များ

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 51:10

Hy Khazohpa, palôh pathaihpa kei liata paysa la, Pachâna dopa ei chhôh liata pathieh heih mah y.

BIESOZY 3:1

Ei sawchapawpa y, ei pachuna my leipa la, Na palôh ta ei biepiepazy a vao thlâh ha mah y.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 32:29

He khihpi a dyuh ngâpa Kaldia mo a vy aw ei ta, khihpi he mei ta rao aw ei ta, ama pakâ khai aw. Ei hie pahâh nawpa ta, vâphuhzy tawhta Bâlâ lâta amâ theih tyhna nata khazoh hropazy lâta dopa hlâna ama patlai tyhna ozy chhao mei ta ama rao khai aw.

MATHAI 24:13

Achhâna taihta a tao hualuapa cha pachhapa ta a y aw.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

LUKA 6:45

Chyhsa phapa ta a palôh ryubyh phapa tawhta hmo phapa papua tyh ta, chyhsa chhiepa ta a palôh ryubyh chhiepa tawhta hmo chhiepa a papua tyh. Chyhsa ta a palôh liata a bie pakhôpa cha, a pakah ta a papua tyh.

LUKA 8:14

Hezy he ahloh thih liata chi a tlapazy cha ama châ. Bie thei ei ta, châhrasala ama sie nahta, hro chhôh khihsa pachâna nata hneirôna nata phasana tlaichhaina zy ta âmo cha disao ta, ama thei pitloh thei vei.

LUKA 8:16

“Ahy hmah meiôh rao sala beih ta khu beih leipa ta, rakhô ry liata soh beih hra vei. O chhôh lâ a ngiapazy ta khaihna ama hmô thei nawpa ta, meiôh sona liata a soh tyh.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 7:18

Ei sapa liata hmo phapa rai y vei tahpa ei pahno. Hmo pha tao khona keima liata y ta, châhrasala tao theina hnei va na.

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.

RAWMA 8:25

Eima hmô leipa eima hnabei a seih khiahta deikua cha, palôh pasi kawpa ta eima hâ lylia tyh.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.

EPHESI 2:8

Ngiachhiena vâta ngiapâna ta pachhapa nama châ. Cha chhao cha nâmo tawhta a puapa châ leipa ta, Khazohpa hmosaipiepa a châ.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

HEBRAI 10:36

Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.

ZÂMIE 1:4

Khâpa hmah phahla leipa ta, pitlohna lâ pangai u la, phapakipa nama châ thei nawpa ta, tiamana chata a rai patlô mawh sy.

1 ZAWHÂNA 2:3

A biepiepazy eima zyh khiahta cha, ano pahnotuhpazy eima châ tahpa eima pahno.