LUKA 8:14 - Mara Bible RV (BSI)

¹⁴ Hezy he ahloh thih liata chi a tlapazy cha ama châ. Bie thei ei ta, châhrasala ama sie nahta, hro chhôh khihsa pachâna nata hneirôna nata phasana tlaichhaina zy ta âmo cha disao ta, ama thei pitloh thei vei.

LUKA 8:14 ပူးပေါင်းရင်းမြစ်များ

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MÂKA 4:19

châhrasala khizaw hmo pachâna nata hneirôna nata hmo hropazy tlaichhaina âmo liata a vaw ngia ta, cha chata bie cha disao ta, pathei thei leipa ta a y tyh.

LUKA 16:13

Chakaotuhpa ahy hmah hyutuhpa pano chakao pabaoh thei vei. Pakha a haopa ta pakha khoh aw ta, pakha a châhkheipa ta pakha a mohnao aw. Khazohpa nata sôh chakao pabaoh thei veih ei chi,” tah ta.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

LUKA 8:13

Hezy he lôphiariapa liata chi hiepazy ama châ. Bie ama theipa nahta, a ly ngaitapa ta a pyh ei ta, châhrasala thari ama thla leipa vâta, bohpi leipa chhôh zyh ei ta, reipasaona a vaw y nahta, ama paosai ha tyh.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

LUKA 8:7

Thokha ahloh thih liata tla ei ta, ahloh nata pyuh khoh ei ta, ahloh ta a disao ha ei.

ZAWHÂNA 15:6

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

2 TIMAWTHY 4:10

Demâ cha tahmâhlâ khizaw he a tlaichhaipa vâta na siesai ta, Thysalawnika lâ sie ha ta, Krekisâ chhao Kalatia lâ sie ha ta, Titu chhao Dalmatia lâ a sie haw.

HEBRAI 6:1

Chavâta Krista thâtih pachu pathaonazy tawhta laiseih lymâpa ta, pitlohna lâ pangai ei suh u. Hmotao thipazy liata rona lôbôzy bô chanei leipa ta, Khazohpa ngiapâna,