LUKA 8:10 - Mara Bible RV (BSI)

¹⁰ Zisu ta, “Nâmo hnohta la Khazohpa khinarâh bienyupazy pahno awpa ta piepa nama châ haw. Mohropazy hnohta deikua cha, pakhona bie ta reipa a châ. Moh aw ei ta, châhrasala hmô aw veih ei; thei aw ei ta, châhrasala pahno thai aw veih ei.

LUKA 8:10 ပူးပေါင်းရင်းမြစ်များ

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

ISAI 29:14

Chavâta moh teh u, He phopi hry liata hmonoâhpa tao heih aw na ta, Hmonoâhpazy ei tao patho aw. Ama chyhsa sopazy sona lei aw ta, Hmo pahno thaipazy pahno thaina chhao, Nyupa a châ aw.”

ISAI 44:18

Pahno leipa ei ta, Pachâ hra vei ei; Ama hmô thei lei nawpa ta, Ama mo pachawhkhâh hapa châ ta; Ama pahno thai lei nawpa ta, Ama palôh khaw hapa a châ.

ISAI 6:9

Ano ta ei hnohta, “Sie la, cha phopi hnohna chata, “‘Thei cha thei aw ei chi ta, Châhrasala nama novâh aw vei; Hmô cha hmô aw ei chi ta, Châhrasala pahno thai aw veih ei chi.

ZEREMIAH 5:21

“Hy ahrupa nata novâhna a hnei leipazy saih u, He he thei teh u. Mo hnei ei chi ta, Châhrasala hmô veih ei chi; Nah hnei ei chi ta, Châhrasala thei veih ei chi.

EZEKIA 12:2

“Chyhsa sawchapawpa y, saw chhorupazy hry liata a pahrâpa na châ. Hmô nawpa mokhaoh hnei ei ta, châhrasala hmô leipa ei ta; thei nawpa nakhaoh hnei ei ta, châhrasala thei veih ei. Saw chhorupazy ama châ.

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

MATHAI 16:17

Zisu ta a hnohta, “Saimaw, Zawna sawchapawpa, na nohlao na! Sapa nata thisaih ta a cha pahnosapa châ leipa ta, ei Paw vârâh liata a ypa ta a cha pahnosapa a châ.

MÂKA 4:11

Zisu ta ama hnohta, “Khazohpa khinarâh bienyupa cha nama hnohta palâhâh hapa châ ta, khôtho chyhsazy châta deikua cha, ato pakhona bie ta reipa a châ.

MÂKA 4:12

Chavâta, “Hmô cha hmô aw ei ta, Pahno thai aw veih ei; Thei cha thei aw ei ta, Ama novâh aw vei; Pahno thai ha ei sala cha, A palie aw ei ta, Ngiahthaipa ama châ ha awpa tlai!” tah ta.

ZAWHÂNA 12:40

“Ama mozy pachao ta, Ama palôh kuh a pachhasa; Chata châ vei mawh sala, Ama mo ta hmô aw ei ta, Ama palôh ta pahnopa ta, A vaw heih aw ei ta, Ei patlâh ha awpa ei tlai,” a tahpa kha a châ.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

1 KAWRINI 12:11

Cha zydua cha Thlahpa pakha raihria châ ta, chyhsa to hnohta a khozie hawhta a rai chyu ei.

RYHPACHANEINA 29:4

Châhrasala Abeipa ta pahno thaina pathipalôh, hmô theina mo nata thei theina nahzy tanoh taihta cha pie veih ei.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.