LUKA 7:9 - Mara Bible RV (BSI)

⁹ Zisu ta cha biezy cha a thei nahta, a chô liata a noâh ngaita ta. Ano zituhpa zawpizy lâ a heih ta, ama hnohta, “Ei cha chho ei, Izarei lia hmahta he tlu ta ngiapâna he hmô va na,” tah ta.

LUKA 7:9 ပူးပေါင်းရင်းမြစ်များ

MATHAI 15:28

Zisu ta chanô cha a chhy ta, a hnohta “Hy chanô, nâ ngiapâna thatlô rimâ cha! Na khopa hawhta na chô liata vaw tlô mawh sy,” tah ta, cha dawh lia tlai ta a sawchanô cha tlâh ha ta.

MATHAI 8:10

Zisu ta cha bie cha a thei nahta, a noâh kaw ta, a pachupazy hnohta, “Hmeiseihta ta ei cha chho ei, he tlu ta ngiapâna thatlôpa he Izarei liata pakha hmah hmô va na.

MATHAI 9:33

Ahripa a puapa nahta, reih pathlie thei leipa cha a reih pathlie thei ha ta. Zawpizy cha ama noâh ngaita ta, “He hawhpa he Izarei liata hmô beih ma pi,” tah ei ta.

LUKA 7:10

A chyhsa tuapazy cha o lâ amâ vaw lie nahta, chakaotuhpa cha a tlâh hapa ta hmô ei ta.

LUKA 7:50

Zisu ta chanô hnohta, “Nâ ngiapâna ta a cha pachha haw. Thlahlôhpa ta sie mah y,” tah ta.

LUKA 7:8

Kei chhao he biehneina a chabatuhpa châ na ta, ei ry liata pheisaihzy ama y hra. Pheisaih pakha hnohta, ‘Sie teh,’ tah na ta sie ta; ahropa hnohta, ‘A vy teh,’ tah na ta a vy ta; nâ chakaotuhpa hnohta, ‘He he tao teh,’ tah na ta a tao tyh,” tah ta.