LUKA 7:42 - Mara Bible RV (BSI)

⁴² A thô thei awpa ama châ leipa vâta, ama pano ta ama leibâh cha a ngiahthai raihrie ta. Cha pano liana chata, ahy ma dyupacheisatuhpa cha kyh a pachâ via aw?” tah ta.

LUKA 7:42 ပူးပေါင်းရင်းမြစ်များ

2 SAMUELA 14:13

Chanô ta, “Cha hawhpa khiahta cha, khâpa vâta ma he hawhpa hmo he taopa ta Khazohpa phopi a dyuh nâ chhuah? Abei heta ano eih a râ hapa dy a chhuah tlôh leipa ta, ano bie ta abei cha anosasyh thailei â pachâ haw.

HLAZY 103:3

Ano cha na paraona zydua a ngiathaituhpa châ ta, Na pasana zydua patlâhtuhpa a châ.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

MATHAI 18:27

A zibeipa ta ngiachhie ngaita ta, chakaotuhpa cha pathlie ta, a leibâh cha a ngiahthai ha ta.

MATHAI 18:34

A zibeipa cha a hiehâh ngaita ta, a leibâh zydua a pie khai hlâlei riethei pataosa awpa ta patâhna o hyutuhpazy hnohta a hlâ haw.

MATHAI 6:12

Eima chô liata hmo a paraopazy eimâ ngiahthaipa hawhta, Eima paraonazy miah ngiahthai mah y.

LUKA 7:43

Saimaw ta a chhy ta, “Leibâh hluh via â ngiahthaipa cha châ sala ei pangiasa,” tah ta. Zisu ta a hnohta, “Na pachâzie â do,” tah ta.

RAWMA 3:24

Cha moleipazy cha, Zisu Krista chatlaina vâta, a ngiachhiena ta a saipa ta thai pachâsapa ama châ.

RAWMA 5:6

Eima chiehlei nona khata, Krista cha moleipazy vyuhpa ta a daihtita liata thi ha ta.

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

KAOLAOSÂ 3:13

A chhyh thai raihrie u la, nama likah liata biepeipa a y khiahta cha, a ngiahthai raihrie teh u. Abeipa ta a châ ngiahthai hapa hawh ei ta, nâmo chhao namâ ngiahthai hra awpa a châ.