LUKA 7:40 - Mara Bible RV (BSI)

⁴⁰ Zisu ta a chhy ta, a hnohta, “Saimaw, na hnohta bie rei awpa ei hnei,” tah ta. Saimaw ta, “Pachutuhpa, reih mah y” tah ta.

LUKA 7:40 ပူးပေါင်းရင်းမြစ်များ

1 ABEIZY 2:14

Adôniza ta, “Na hnohta bie rei awpa ei hnei,” tah ta. Bâsebâ ta, “Reih teh,” tah ta.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MATHAI 26:49

Zisu cha thlai vaw pangai ta, a hnohta, “Ei châ naoh na, Pachutuhpa!” tah ta, Zisu cha a pahnâ ta.

MATHAI 7:22

Cha noh liata chyhsa hluhpi ta ei hnohta, ‘Abeipa, Abeipa, na moh ta hrohsona bie phuah ma pi ma, na moh ta ahripazy papua ma pi ma, na moh ta hmonoâhpa hluhpi tao ma pi ma?’ ama tah aw.

LUKA 18:18

Ryureituhpa pakha ta a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta.

LUKA 5:22

Zisu ta ama pachâna cha a pahno nahta, “Khazia nama palôh ta nama sei tly?

LUKA 5:31

Zisu ta âmo cha a chhy ta, “Atlâhpazy ta dawhty a ngiah leipa ei ta, tlâhleipazy ta amâ ngiah.

LUKA 6:8

Zisu ta ama palôh a pahno nahta, kusypa hnohta. “A vy la, he liata a vaw duah teh,” tah ta. Kusypa cha thyu ta, cha liata a duah ta.

LUKA 7:39

Cha hmo cha Zisu pati nie a hruatuhpa Phârisaih ta a hmô nahta, a palôh liata, “He chyhsa he hrohsopa a châ tlai khiahta cha, a hriatuhpa chanô he ahy ma a châ tahpa nata kheihawhpa chyhsa ma a châ tahpa a pahno thlyu awpa châ ta, ano he chanô moleipa châ tlôh ta,” tah ta.

LUKA 7:41

Zisu ta, “Tâkâ dyu a pacheisatuhpa pakha liata chyhsa pano ta leibâh hnei ei ta. Pakha ta dinâri za pangawh a bâh ta, ahropa ta sypangawh a bâh ta.

ZAWHÂNA 13:13

Nâmo ta Pachutuhpa nata Abeipa na tah ei chi ta, nama reipa â do na, ei châna tlai a châ.

ZAWHÂNA 16:19

Ano ama hiahri khoh tahpa Zisu ta pahno ta, ama hnohta, “‘Buakha chhôh na hmô khao leipa aw ei chi ta, buakha chhôh lilaw ta eina hmô heih aw ei chi,’ tahpa bie ei reipa kha ma nâmo nata nâmo namâ hiahri ngâ kaw?

ZAWHÂNA 16:30

Ato pahno chi ta, chyhsa ta ama cha hiahri awpa byuh vei, tahpa tahmâ eima pahno haw. Cha vâna chata Khazohpa tawhta a zupa na châ tahpa eimâ ngiapâpa a châ,” tah ei ta.

ZAWHÂNA 3:2

Cha chyhsa cha zâ ta Zisu lâ a vy ta, a hnohta, “Râbai, Khazohpa tawhta pachutuhpa â vypa na châ tahpa eima pahno. Khazohpa a chô liata a y leipa khiahta la, he hmonoâhpa na taopa hawhpazy he ahy hmahta tao thei aw veih ei,” tah ta.