LUKA 7:29 - Mara Bible RV (BSI)

²⁹ A bie reipa cha zawpi zydua nata chhiekheituhpazy ta ama thei nahta, Khazohpa hmotaopa siapa liata a ly ngaita ei ta. Âmo cha Zawhâna liata bâti a châ chiehpazy ama châ.

LUKA 7:29 ပူးပေါင်းရင်းမြစ်များ

HLAZY 51:4

Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

MATHAI 5:46

Kyh châ pachâtuhpazy deita kyh nama pachâ khiahta cha, khâpa lymâ nama hmô aw? Chhiekheituhpazy chhao ta cha hawhpa cha tao thlâh ha veih ei ma?

LUKA 20:6

‘Chyhsapa tawhtapa,’ tah mawh sih la, Zawhâna cha hrohsopa a châpa pahno pasia tlôh ei ta, chyhsa zydua ta alô ta miah vawhsao aw ei,” tah ei ta.

LUKA 3:12

Chhiekheituhpazy chhao ta bâti châ awpa ta a vy ei ta, a hnohta, “Pachutuhpa, khâpa eima tao aw?” tah ei ta.

LUKA 7:28

Ei cha chho ei, chanô sapa hry liata Zawhâna hlâta rônah viapa y veih ei. Châhrasala Khazohpa khinarâh liata chyhsa chyh chaipa cha ano hlâta a rônah via,” tah ta.

LUKA 7:35

Châhrasala sona â dozie cha a saw zydua liata â lâ tyh,” tah ta.

HMOTAOPAZY 18:25

Abeipa lâpi kyh pachu hapa chyhsa châ ta. Zawhâna bâtina deita a pahnopa chhao ta, thlahpa thapasana hneipa ta, Zisu thâtih â do kawpa ta a pachu tyh.

HMOTAOPAZY 19:3

Pawla ta, “Cha khiah, khâpa bâtina ta bâti a châpa ma nama châ?” tah ta. Âmo ta, “Zawhâna bâtina ta bâti a châpa eima châ,” tah ei ta.

RAWMA 10:3

Khazohpa siana pahno leipa ta, âmo siana a duakhei a chhuah ei ta, Khazohpa siana liata a ngiarih veih ei.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 16:5

Ti vâlyuhchâpa ta, “Hy Mo Pathaihpa y, Nâ cha adopa châ chi ta, A y haipa nata a y hapa na châ; Pachiana dopa na vaw tlôkhei haw.

RYUREITUHPAZY 1:7

Adônibeze ta, “Ama kupi nata pheipi ei taipa bei sysarizy ta ei tlâhkhai ry liata azôpa a huah tyh ei ta, ei taopa hawh tlai ta Khazohpa ta viari eina thô he zaw,” tah ta. Zerusale lâ a chhi ei ta, cha liata thi ha ta.