LUKA 7:25 - Mara Bible RV (BSI)

²⁵ Khâpa mo awpa tlai ta ma nama pua? Chysia naipa a tobipa mo awpa ta ma? Moh teh u, chysia rônahpa a tobi ta, lôhrâtlôpa ta a ypazy cha abei ozy liata mah ama y tâh.

LUKA 7:25 ပူးပေါင်းရင်းမြစ်များ

2 SAMUELA 19:35

Tanoh he kô sycharie châ ha na ta, hmo chhiepa nata hmo phapa chhao ei pachhaih thai khao ma? Châ chakaotuhpa heta ei niepa nata ei dopazy a pahâh nata pahâh lei zy ei pahno khao ma? Chapaw hlasathaipazy nata chanô hlasathaipazy ao chhao ei thei thei khao ma? Châ chakaotuhpa he khazia ma ei zibeipa abei châta phaori a baichhatuhpa ei châ aw?

1 ABEIZY 10:5

a tlâhkhai liata niedo, a beimachâzy atyuna paryhzie, a chakaotuhpazy chakaozie nata amâ tobizie, a nyu hlâtuhpazy nata Abeipa o liata raopa hlâna a hlâpazy a hmôpa cha, a huhiah chhao so pha thei khao leipa ta.

2 ABEIZY 1:8

Âmo ta a chhy ei ta, “Sahmi chysia a tobi ta, a chai liata savo chaisaihna â saih,” tah ei ta. Abei ta, “Tisabi chyhsa Elaizâh a châ chuh,” tah ta.

ESTHERI 1:11

abei hmiakô liata Beinô Vâsti a vaw chhi awpa ta biepie ta. Beinô Vâsti cha mo ai leipa a châpa vâta, a chhithaina cha phopizy nata beimachâzy pamosa awpa ta, beinô lakho a khona chôta a vaw luah awpa ta biepiepa a châ.

ESTHERI 1:3

 beina kô thôhna liata a beimachâ nata chakaotuhpa zydua châta kyhchhi tao ta. Persia nata Media pheisaihzy nata râh pachhaihpazy tawhta nôpawpazy nata râhvaotuhpazy a hmiakô liata y khai ei ta.

ESTHERI 4:2

Ahy hmahta latho poh a bupa ta abei tlyhmia dôhpachhôh lâ a ngia pasaipa a châ leipa vâta, Môdekai cha abei tlyhmia dôhpachhôh lâ angiana chhikao taih vawh ta.

ESTHERI 5:1

A noh thôna noh ta, Estheri cha beinô chysia a tobi ta, abei o dôhpachhôh tlyhmia liata abei chhôhpadâhpa dady liata a kei duah ta. Abei cha abei o angiana dady liata beidyuchhai chhôhpadâhpa chhôh liata a beidyuchhai liata a tyuh ta.

ESTHERI 8:15

Môdekai cha abei poh nohsaihpa nata diehpa a bupa ta, ngôh beilakho rônahpa nata poh rih dipa viahkao pasipa saihdôhpa a kypa ta, abei o tawhta pua ta. Susâ khihpi cha thata awh ei ta, a ly ngaita ei ta.

ISAI 59:17

Siana chachôhna vyhphao a ky ta, Pachhana lakhu â khu; Phuh lana chysia a tobi ta, Hiehâhna poh â bu.

MATHAI 11:8

Khâpa mo awpa ta ma nama pua tly? Chysia naipa ta a tobipa chyhsa mo awpa ta ma? Chysia phapa ta a tobipazy cha abei ozy liata mah ama y tâh.

MATHAI 3:4

Zawhâna cha râraoseihpa hmi chysia ta a tobi ta, savo chaisaihna ta a chai a saih ta, a pati cha khawsu nata kheihti a châ.

MATHAI 6:29

Châhrasala ei cha chho ei, Sawlawmaw tlai chhao kha a rônahna zydua liana khata, he pawpi miakha tlu ta a ngiapa ta a tobi vei.

LUKA 16:19

“Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta.

LUKA 7:24

Zawhâna tuapazy ama sie tawhta, Zisu ta zawpi hnohta Zawhâna thâtih reih ta: “Khâpa mo awpa ta ma râhchawhpa lâ nama sie? Ziza ta lohthi a chalyupa moh awpa ta ma?

LUKA 7:26

Cha khiah, khâpa mo awpa ta ma nama pua? Hrohsopa mo awpa ta ma? Ano cha hrohsopa a châ tlai, ei cha chho ei, hrohsopa hlâta rônah viapa a châ.