LUKA 7:14 - Mara Bible RV (BSI)

¹⁴ A kei hnia ta, chhâchhua cha kei hria ta, asytuhpazy cha a duah ei ta. “Satliapa, ei cha chho, thyu teh,” tah ta.

LUKA 7:14 ပူးပေါင်းရင်းမြစ်များ

1 ABEIZY 17:21

Hawtipa chô liata ei thôh a byuhnie ta, Abeipa cha pado ta, “Hy Abeipa ei Khazohpa y, ei châ haw na, he hawti hrona he ano lâta rie vaw pakuasa heih mah y,” tah ta.

1 ABEIZY 17:22

Abeipa ta Elaizâh ao cha thei ta. Hawti hrona cha ano lâta vaw kua ta, vaw hroh ha ta.

ZAWBÂ 14:12

Chyhsapa cha a zia ta thyu khao vei; Avâzy a lei hlâlei cha a hra khao leipa aw ta, Â môpa pathyupa châ aw vei.

ZAWBÂ 14:14

Chyhsapa cha thi sala, a hroh hei aw ma? Ei chakao daihti chhôh zydua hâ aw na ta, Nâ thlatuhpa a vaw tlô hlâlei ei hâ aw.

HLAZY 33:9

Bie reih ta, A reipa hawhta vaw y ta; Bie pie ta, A biepiepa cha â ipa ta â duah.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

MÂKA 5:41

Hawtinô ku cha patu ta, a hnohta, “Tâlithâ kumi,” tah ta. Cha yzie cha, “Hawtinô, ei cha chho, thyu teh,” tahna a châ.

LUKA 7:13

Abeipa ta nôhmei cha a hmô nahta, a chô liata a thapasa ngaita ta, a hnohta, “Cha khah y,” tah ta.

LUKA 7:15

Athihpa cha a vaw tyuh ta, a reih vaw pathlie ta. Zisu ta satliapa cha a nô lâ hlâ ta.

LUKA 7:17

A thâtih cha Zudia râh nata a chheipâh râh zydua liata pathâh ta.

ZAWHÂNA 11:25

Zisu ta a hnohta, “Kei he thyuheihna nata hrona ei châ. Ahy rai nâ ngiapâpa cha, thi hra sala a hroh thlâh ha aw.

ZAWHÂNA 5:21

Paw ta athihpazy pathyu ta, a pahropa hawhta, Sawchapawpa chhao ta a khopa maih a pahro tyh.

ZAWHÂNA 5:25

“Hmeiseihta ta, hmeiseihta ta ei cha chho ei, a daihti a vaw tlô daihmâ, tahmâ chhao a vaw tlô haw. Cha tita athihpazy ta Khazohpa Sawchapawpa ao thei aw ei ta, a theipa maih ama hroh aw.

RAWMA 4:17

“Phopi hluhpi paw ta ei cha tao haw,” tahpa ta ropa hawhta, Abarahâ cha athihpa a pahrotuhpa nata hmo a y leipazy a paysatuhpa châ ta, â ngiapâpa Khazohpa mohmô liata eima zydua paw a châ.

EPHESI 5:12

Arulâta ama tao tyhpazy cha, reipa chhao ta nozachhihpa hmo a châ.