LUKA 7:13 - Mara Bible RV (BSI)

¹³ Abeipa ta nôhmei cha a hmô nahta, a chô liata a thapasa ngaita ta, a hnohta, “Cha khah y,” tah ta.

LUKA 7:13 ပူးပေါင်းရင်းမြစ်များ

HLAZY 103:13

Paw ta a sawzy a ngiachhiepa hawhta, Abeipa ta ano a chituhpazy cha a ngiachhie ei.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

MÂKA 8:2

“Zawpizy he tahmâ noh thôh tlai ei hnohta y ha ei ta, nie awpa khâpa hmah ama hnei leipa vâta, tha ei pasa ngaita ei.

LUKA 10:1

Cha khai tawhta Abeipa ta chyhsa hropa sysari nata pano rao ta, a sie nawpa khih to nata su to liata a hmia lâta pano lymâ ta pasiesa chhielie ta.

LUKA 11:1

Noh kha cha su miakha liata Zisu cha thlahchhâ ta, a chhâ khai nahta, a pachupa pakha ta a hnohta, “Abeipa, Zawhâna ta a pachupazy thlachhâzie a pachupa hawhna khata, nâ chhao thlahchhâzie miah pachu hra teh,” tah ta.

LUKA 11:39

Abeipa ta a hnohta, “Nâmo, Phârisaihzy ta cha nyu nata beikoh zy a chô lâ pasi tyh ei chi ta, nama chhôh lâ deikua cha karâyna nata moleina ta a bie.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

LUKA 13:15

Abeipa ta ano cha a chhy ta, “Nâmo, phapakheipazy saih u, Pahânoh ta nama viahchao tlyma, alâ tlyma, a o tawhta pathlâpa ta, ti padosa awpa ta a chhi tyh veih ei chi ma?

LUKA 17:5

Lyuhchâpazy ta Abeipa hnohta, “Eimâ ngiapâna papôhsa mah y,” tah ei ta.

LUKA 17:6

Abeipa ta, “Âhrâ chi hmô kha tie chhâ ta ngiapâna a hneipa châ u la, he malburi kô hnohna heta, ‘A phia la, tilaipi liata a bô teh,’ tah aw ei chi ta, nama rei â ngiah aw.

LUKA 18:6

Abeipa ta, “Ryureituhpa sia leipa bie reipa kha thei teh u.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

LUKA 22:61

Abeipa cha a vaw heih ta, Pity cha vaw moh ta. Pity cha Abeipa ta a hnohta, “Tanoh he awh a kho hlâta ei thôh einâ papha aw chi,” a tahpa bie kha a kaw thei ta.

LUKA 24:3

Thlâ chhôh lâ a ngia ei ta, Abeipa Zisu ri cha hmô leipa ei ta.

LUKA 24:34

Pahrawh hleikhazy chata, “Abeipa cha a thyu ha tlai, Saimaw hnohta â luah haw!” tah ei ta.

LUKA 7:12

Khih hawka â kei hnia nahta, athihpa amâ vaw sypa hmô ta. Cha chyhsa cha nôhmei sawchapaw matlupa a châ. Khihsaw hluhpi a hnohta a vy hra ei ta.

LUKA 7:14

A kei hnia ta, chhâchhua cha kei hria ta, asytuhpazy cha a duah ei ta. “Satliapa, ei cha chho, thyu teh,” tah ta.

LUKA 7:19

Zawhâna ta a pachupa pano aw ta, Abeipa lâ tuah ta, a hnohta, “A vy awpa cha na châ ma, chyhsa hropa ma eima hâ aw?” tahpa ta kei pahiahrisa ta.

LUKA 8:52

Chyhsa zydua ta hawtinô cha chakheipa ta, mâchhie vaw sapa ei ta, Zisu ta, “Cha khah u, thi vei, â môpa a châ hih,” tah ta.

ZAWHÂNA 11:2

Cha Mâri cha sathaw ropahâhpa Abeipa thu ta, a sâ ta a phei a hrutuhpa kha châ ta, tlâhleipa cha ano rilâhpa Lâzarâh a châ.

ZAWHÂNA 11:3

A sietanôzy ta Zisu hnohta, “Abeipa, na kyhpachâpa kha tlâh vei,” tahpa ta chyhsa Zisu lâ tuah ei ta.

ZAWHÂNA 20:13

Âmo ta a hnohta, “Chanô, khazia na cha?” tah ei ta. Ano ta ama hnohta, “Ei Beipa siekhei ha ei ta, ama paziana pahno khao va na,” tah ta.

ZAWHÂNA 20:15

Zisu ta a hnohta, “Chanô, khazia na cha? Ahy na tlua?” tah ta. Sadô mokhâhtuhpa khiah ma tah ta, a hnohta, “Pâpuh, Zisu ri kha na la hapa a châ khiahta cha, khâpa su liata ma na so tahpa na chho teh, ei la pakhua ha aw,” tah ta.

ZAWHÂNA 4:1

Zisu ta Zawhâna hlâta pachupa hluh via tao ta, bâti chhao a pachâsa hluh viapa kyh Phârisaihzy ta ama thei tahpa Zisu ta pahno ta.

ZAWHÂNA 6:23

Abeipa ta alyna bie a rei khai nahta viahchhâ ama niena su kiapâh liana kha Taibiria balyh hropazy vaw tlô ei ta.

1 KAWRINI 7:30

Mâchhie sapazy ta mâchhie sa leipa hawhta y ei sala, a lypazy ta a ly leipa hawhta y ei sala, hmo a chaleipazy ta a hnei leipa hawhta y mawh ei sy.

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

RYUREITUHPAZY 10:16

Chatanachata ama hry liata râh hropa khazohzy thypa ta, Abeipa cha chakao ei ta. Izarei nôpona cha Abeipa ta taokhei ngaita ta.