LUKA 7:12 - Mara Bible RV (BSI)

¹² Khih hawka â kei hnia nahta, athihpa amâ vaw sypa hmô ta. Cha chyhsa cha nôhmei sawchapaw matlupa a châ. Khihsaw hluhpi a hnohta a vy hra ei ta.

LUKA 7:12 ပူးပေါင်းရင်းမြစ်များ

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

ÂTHAONA 22:2

Khazohpa ta, “Na sawchapawpa, na sawchapaw matlupa, a kyh na pachâpa Aisika kha a chhi la, Môria râh lâ sie la, cha liata ei cha chho awpa tlâh miakha liata ano cha raopa hlâna ta hlâ mah y,” tah ta.

2 SAMUELA 14:7

Ama pho zydua ta a baopasupa ta na seichanô he na thyuhnao ei ta, ei hnohta, ‘A unawhpa a thietuhpa kha miah pie teh, a unawhpa thie ta a hrona a lapa vâta, ano chhao eima thie aw. A ryutotuhpa chhao eima pahleipadia aw,’ tah ei ta. Cha hawhna chata ei mei a ia chhôhpa cha pachhai aw ei ta, ei vahpa cha moh hnei leipa nata alei chô liana heta pathla rai hnei leipa ta a y aw,” tah ta.

1 ABEIZY 17:12

Nôhmeinô chata, “Abeipa na Khazohpa hrona reipa ta ei reih, viahchhâ hnei leipa na ta, beih liata viahdie pazah kha deita nata a ôh liata sathaw a chyhta deita ei hnei. Tahmâ thopahrei chhao he a chyhta dei pakhy na ta, o lâ vawh aw na ta, keima nata ei sawchapawpa châta viahchhâ tao aw na ta, nie aw pi ta, cha khô lâ cha nie awpa hnei khao leipa aw pi ta, tlâ eima thi aw,” tah ta.

1 ABEIZY 17:18

O hneituhnô ta Elaizâh hnohta, “Hy nâ Khazohpa chyhsa y, ei chô liata palôh châ leina khâpa ma na hnei tly? Ei moleina na pahnosa ta, ei sawchapawpa na thiepa awpa ta a vaw tlôpa na vaw châ he!” tah ta.

1 ABEIZY 17:23

Elaizâh ta hawtipa cha la ta, ochô lâta chhôhpadâhpa tawhta o chhôh lâ za chôkhei ta, a nô hnohta hlâ ta. Elaizâh ta, “Moh tua, na sawchapawpa a hroh ha hih,” tah ta.

1 ABEIZY 17:9

“Thyu la Sidaw râh liata Zarephâ khihpi lâ sie la, cha liata kei pahrâ mah y. Châ pasa aw­pa ta cha liata nôhmei pakha bie ei pie haw,” tah ta.

2 ABEIZY 4:16

Elaisâh ta, “Hâhkô tahmâ daihti liana heta sawcha­paw nâ pyh aw,” tah ta. Chanô ta, “Châ vei, ei zibeipa, Hy Khazohpa chyhsa y, châ chakaotuhnô he dôvei khah y,” tah ta.

2 ABEIZY 4:20

Chakaotuhpa ta hawti cha chalo ta, a nô lâ vawkhei ta, hawti cha a nô byh chô liata nohchhô taih a tyuh ta, chatawhcha thi ha ta.

ZAWBÂ 29:13

Thi daihmâpa byhnâ awna ei chô liata vaw tlô ta, Nôhmei palôh cha lyna hla sapa ta ei paysa.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

LUKA 7:11

A mylâ ta khih miakha Naini ama tahpa lâ sie ta, a pachupazy nata zawpi hluhpi a hnohta sie ei ta.

LUKA 7:13

Abeipa ta nôhmei cha a hmô nahta, a chô liata a thapasa ngaita ta, a hnohta, “Cha khah y,” tah ta.

LUKA 8:42

Zairu cha sawchanô matlupa, kô hrawh hleinopa hnei ta. Hawtinô cha thata pasa ta, thi daihmâ ta. Zisu cha a sie hai nota, zawpizy ta thata by ei ta.

LUKA 8:52

Chyhsa zydua ta hawtinô cha chakheipa ta, mâchhie vaw sapa ei ta, Zisu ta, “Cha khah u, thi vei, â môpa a châ hih,” tah ta.

ZAWHÂNA 11:19

Ama rilâhpa mâchhie ama sapa thlapalôh awpa ta, Zu chyhsa hluhpi Marthâ nata Mâri o lâ a vy ei ta.

HMOTAOPAZY 9:39

Pity cha thyu ta ama hnohta sie ta. O a tlô nahta, o chô chhôhpadâhpa lâ a chhi ei ta. Nôhmei zydua cha a kiapâh liata a duahpa ta, Dawkâsi a hro nota viahkao a biehpa nata chysia hropa a biehpazy pahmô ei ta, thata cha ei ta.

HMOTAOPAZY 9:41

Pity ta a ku hlâ ta, Tâbi cha pathyu ta. Mopathaihpazy nata nôhmeizy cha aw ta, Tâbi cha a hrohpa ta âmo pahmô ta.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.