LUKA 6:45 - Mara Bible RV (BSI)

⁴⁵ Chyhsa phapa ta a palôh ryubyh phapa tawhta hmo phapa papua tyh ta, chyhsa chhiepa ta a palôh ryubyh chhiepa tawhta hmo chhiepa a papua tyh. Chyhsa ta a palôh liata a bie pakhôpa cha, a pakah ta a papua tyh.

LUKA 6:45 ပူးပေါင်းရင်းမြစ်များ

HLAZY 140:5

Akhotlâhpazy ta arulâta khoheih na chôkhâh ei ta, Chaorizy ta sao na parai khâhpa ta, Lâpi liata khoheihzy eina chôkhâh ei. Selah

HLAZY 59:12

Ama pakah moleinazy vâta, Ama hmao biezy vâta, Amâ palaina lia tlai ta a ao mawh ei sy. Chhiesana bie nata haipa bie ama reipazy vâta,

HLAZY 59:7

Moh teh u, ama pakah ta pa-ua ei ta, Ama hmaozy liata zaozi y ta, “Ahy miah a thei aw?” ama tah tyh.

BIESOZY 12:18

Zaozi chhôpa hawhta pasapa ta bie a reihpa y ei ta, Asopa paleih deikua cha tlâhna a châ tyh.

BIESOZY 15:23

Thlai ta achhyna pie tyhpa ta chyhsa palysa ta, A daihtita ta bie rei tyhpa cha a pha kaw dia!

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

ZAWHÂNA 7:38

Ahy rai nâ ngiapâpa cha, Biehrai ta a reipa hawhta, ‘Ti hrohpa chavahzy a chhôh tawhta a vaw loh aw,’” tah ta.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

EPHESI 4:29

Bie pha leipa rai nama pakah tawhta pua khah sy. Chyhsa taopathi nawpa bie deita, a daihti nata su a hmiepa ta, nama pakah tawhta pua mawh sy. Chatanachata a theituhpazy châta ngiachhiena ama tona a châ aw.

EPHESI 5:19

Reithaina hlazy, Khazohpa hlazy, thlahpa hlazy ta bie a chho raihrie u la, nama pathipalôh ta Abeipa lâ hla sapa ta, totâ tô teh u.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

KAOLAOSÂ 4:6

Chyhsa to hnohta namâ chhyzie awpa nama pahno thei nawpa ta, nama reikah a puapa cha, khatino rai ta ngiachhiena ta bie sala, alôh hawhta iahpa châ lymâ mawh sy.

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.

ZUDÂH 1:15

Chyhsa zydua pachia aw ta, Khazohpa a uasa leipazy cha, Khazohpa kho leipa hmo ama taopa zydua vâta thailei a pachâsa aw ei. Khazohpa uasa leipa ta, Khazohpa chô liata bie pachyupa a reihpazy chhao thailei a pachâsa aw ei,” tahpa ta a vaw chhochhielie.