LUKA 6:27 - Mara Bible RV (BSI)

²⁷ “Ei bie a theituhpa saih u, ei cha chho ei. Nama khakhaipazy kyhpachâ u la, châ haotuhpazy chô liata hmo pha tao teh u.

LUKA 6:27 ပူးပေါင်းရင်းမြစ်များ

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

HLAZY 7:4

Moleina ta ei viasa viarithôpa ta, A chhâpa y leipa ta ei chariahpa a hraopa ei châ khiahta cha,

BIESOZY 24:17

Na chariahpa a pao nota a ly leipa la, Â chapia nota na palôh thapha khah sy.

BIESOZY 25:2

Bie nyupa cha Khazohpa rônahna châ ta, Abei rônahna deikua cha bie tluapapuapa a châ.

MÂKA 4:24

Zisu ta ama hnohta, “Nama bie theipa cha pakhâta ta pachâ teh u: nama panuana lilaw ta panuapa châ aw ei chi ta, cha hlâta hluh via chhao ta piepa nama châ aw.

LUKA 23:34

Zisu ta, “Ei Paw y, âmo he a ngiahthai mah y, ama hmotaopa he ama pahno vei na,” tah ta. A chysiazy a rai awpa ta nuby a dao ei ta.

LUKA 6:22

“Chyhsa Sawchapawpa vâta, chyhsazy ta châ haopa ta, cha pathluapa ta, cha pasipasawhpa ta, nama moh ama cha pachhie tita, nama nohlao na!

LUKA 6:35

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

LUKA 8:18

Chavâta nama bie theipa liata a chado teh u. A hneipa cha baichhapa châ aw ta, a hnei leipa cha, hneipa hawhta â pachâpa chhao, ano tawhta lapa a châ aw,” tah ta.

LUKA 8:8

Thokha lei phapa liata tla ei ta, pyuh ei ta, a lie za kha ta ama pathei,” tah ta. Cha biezy cha a rei khai nahta, awh ta, “Ahy rai thei nawpa nakhaoh a hneipa ta thei mawh sy,” tah ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 16:28

Pawla cha ao paro ngaitapa ta awh ta, “Kheihta hmah a pasasa khah y, eima zydua ta eima y khai thlâh haw!” tah ta.

HMOTAOPAZY 7:60

A pakhu paneih ta, ao paro ngaitapa ta, “Abeipa y, he ama moleina maoh he âmo paphaosa khah y,” tah ta. Cha bie cha a rei khai nahta, a mô ha ta.

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.