LUKA 6:23 - Mara Bible RV (BSI)

²³ Cha noh liata a ly u la, thaphapa ta a thluah teh u. Pachâ teh u, vârâh liata nama lymâ hluhpi a y. Âmo pathlatuhpazy chhao khata, hrohsopazy chô liata, cha hawhta ama vaw tao tyh.

LUKA 6:23 ပူးပေါင်းရင်းမြစ်များ

2 SAMUELA 6:16

Abeipa Byh cha Dâvi khihpi â ngia hai nota, Sawla sawchanô Mikâli cha opy tawhta vaw sai ta, Bei Dâvi cha Abeipa hmiakô liata lâh ta, â zawzâ ngâ kawpa hmô ta, a palôh liata zakhei kaw ta.

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 19:14

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 19:2

Zezebel ta Elaizâh lâ chyhsa tuah ta, a hnohta, “Kha hrohsopazy hrona na lapa hawhna kha ta, mylâ tahmâ daihti liata nâma hrona chhao ei la leipa khiahta cha, khazohzy ta ei chô liata tao ei sala, cha hlâta pasa viapa chhao ta tao mawh ei sy,” tah ta.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 22:27

ama hnohta, ‘Abei ta hetana heta a tah: “Thlalôhpa ta ei vaw kua heih hlâlei cha, he chyhsa he patâhna o liata khô u la, viahchhâ chyhta nata ti chyhta dei nama pie aw,” a tah,’ tahpa ta nama chho aw,” tah ta.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

2 ABEIZY 6:31

Abei ta, “Saphâta sawchapawpa Elaisâh cha, tanoh a ngiatlâh liata a luh â bô thlâh ha chy khiahta cha, Khazohpa ta ei chô liata tao sala, cha hlâta tha viapa chhao ta tao mawh sy,” tah ta.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

HLAZY 58:11

Chatanachata chyhsapa ta, “Mosiapa châta lymâ y tlai ta, Khizaw ryureihtuh Khazohpa a y tlai na,” a tah awh.

ISAI 35:6

Pheisypa sakhih hawhta a chapie aw ta, Reih pathlie thai leipa paleih chhao, Thaphapa ta hla a sa aw. Râhchawhpa liata tizy pua aw ei ta, Sadi bypizy liata vahtie tizy ama loh aw.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 5:12

A ly u la, thaphapa ta y teh u, vârâh liata nama lymâ hluhpi a y. Cha hawhna chata, nâmo hlâta a vaw y tuapa hrohsopazy chhao ama vaw taola tyh.

LUKA 1:41

Elizabe ta Mâri anaohna a thei nahta, a chhi liata hawsaih cha a tlieh ta. Elizabe cha Thlahpa Pathaihpa ta vaw bie ta,

LUKA 1:44

Pachâ teh, nâ naohna ao kha ei nakhaoh liata â ngiapa nahta, ei chhi liata hawsaih cha a lypa ta â chotlai ngâ kaw.

LUKA 6:35

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

HMOTAOPAZY 14:10

Ao paro ngaitapa ta a hnohta, “Na phei ta a duah teh,” tah ta. Ano cha kaw thyu ta, phei ta sie ha ta.

HMOTAOPAZY 3:8

Pheisypa cha a kaw zaw ta, a duah ta, phei ta sie ha ta. Phei ta siepa ta a thluah laih ta, Khazohpa reithaina chôta ama hnohta Achhyna o lâ a ngia ha hra ta.

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

RAWMA 5:3

Cha dei châ vei, eima rietheina liata chhao a lypa ta eima y. Rietheina ta tiamana tao ta,

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

2 TIMAWTHY 2:12

Pasa eima tao khiahta cha, A hnohta ryu eima reih hra aw; Ano eimâ paphasai khiahta cha, Ano chhao ta miah â paphasai hra aw;

HEBRAI 11:26

Lymâ to awpa a saipa vâta, Krista vâta reipachhiena a tyhpa cha Izi râh ryuzy hlâta ryu sôh viapa ta a rao.

HEBRAI 11:6

Ngiapâna leipa ta cha Khazohpa palysa thei rimâ awpa châ vei. Khazohpa a pangaipa maihta, Khazohpa a y tahpa amâ ngiapâ awpa châ ta, ano a tluatuhpa cha Khazohpa ta lymâ a pie tyh tahpa amâ ngiapâ awpa a châ.

ZÂMIE 1:2

Unawh saih u, kao to liata pasiana namâ tyh tita alyna ta rao khai teh u.

1 PITY 4:13

Krista rônahna â vaw luah tita, thaphapa ta namâ ly thei nawpa ta, Krista pasataona a hlykheituhpazy nama châ.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

BIEPHUAH 2:26

Pahnietuhpa nata ei hmotaopazy a chhâna taihta a pyhtuhpa cha phopizy chô liata biehneina ei pie aw.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.

BIEPHUAH 3:5

Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.