LUKA 6:14 - Mara Bible RV (BSI)

¹⁴ Chazy cha Pity tahpa ta a moh a bipa Saimaw nata a unawhpa Adaru, Zâmie nata Zawhâna, Phili, Bâthawlawmu,

LUKA 6:14 ပူးပေါင်းရင်းမြစ်များ

MATHAI 10:2

Lyuhchâpa pahrawh hleinozy moh cha hezy he ama cha: A hmiatua chai ta, Saimaw, Pity ama bipa nata a unawhpa Adaru; Zebâdi sawchapawpa Zâmie nata a unawhpa Zawhâna;

MATHAI 10:3

Phili nata Bâthawlawmu; Thawma nata chhiekheituhpa Mathai; Alphu sawchapawpa Zâmie nata Thâdia;

MATHAI 4:18

Kâlili Tipo kiah liata a sie hai nota, unawh pano, Saimaw, Pity ama tahpa nata a unawhpa Adaru zy cha tilaipi liata sao ama vaw ngâpa hmô ta. Âmo cha nga patutuhpazy ama châ.

MATHAI 4:21

Cha tawhtapa cha sie lymâ ta, unawh hropa pano, Zebâdi sawchapawpa Zâmie nata a unawhpa Zawhâna zy cha ama paw Zebâdi chhaota saozy balyh liata ama taopathi ngâpa hmô ta, âmo cha aw ta.

MÂKA 1:19

Bâhta a kei sie via nahta, Zebâdi sawchapawpa Zâmie nata a unawhpa Zawhâna cha balyh liata sao ama thei ngâpa hmô ta.

MÂKA 1:29

Pakhyna o tawhta ama puapa nahta, Zâmie nata Zawhâna chhaota Saimaw nata Adaru o liata thlai a ngia ta.

MÂKA 14:33

A hnohta Pity nata Zâmie nata Zawhâna a chhi ta, Zisu cha nôpopa ta a pachârôh ngaita ta.

MÂKA 3:16

Chazy cha Pity tahpa ta moh a bipa Saimaw,

MÂKA 5:37

Pity nata Zâmie nata Zâmie unawhpa Zawhâna zy dei leipa cha, ahy hmahta ano zi awpa pasaih leipa ta.

MÂKA 9:2

Noh charu khai tawhta Zisu ta Pity, Zâmie nata Zawhâna zy a chhi ta, âmo dei ta tlâh sâhpa lâ khykhei ta. A hmiaphao cha ama hmiakô liata a vaw nano ha ta.

LUKA 5:10

Saimaw pyheih, Zebâdi sawchapawpa Zâmie nata Zawhâna zy chhao ta noâh tah kaw hra ei ta. Zisu ta Saimaw hnohta, “Chi khah y, tahmâ tawhta la chyhsa na patu bâ aw,” tah ta.

LUKA 5:8

Cha cha Saimaw Pity ta a hmô nahta, Zisu phei thaby liata kei pao ta, “Hy Abeipa, na siesai teh, moleipa ei châ hih,” tah ta.

LUKA 6:13

Khih a pavâ nahta, a pachupazy aw ta, ama hry tawhta pahrawh hleino a tlyh ta, ama moh ta lyuhchâpazy bi ta.

LUKA 6:15

Mathai, Thawma, Alphu sawchapawpa Zâmie, Zilô py liatapa Saimaw,

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 14:8

Phili ta a hnohta, “Abeipa, Paw cha miah pahmô teh, cha cha eima châta â daih na,” tah ta.

ZAWHÂNA 6:5

Mohmia pasaih ta, zawpi hluhpi ano lâ ama vaw pangaipa hmô ta, Phili hnohta, “He sahlaozy nie awpa viahchhâ khataih liata eima chalei aw?” tah ta.

ZAWHÂNA 6:8

A pachupazy hry liata pakha, Saimaw Pity unawhpa Adaru ta a hnohta,

HMOTAOPAZY 1:13

O amâ ngia nahta, Pity, Zawhâna, Zâmie, Adaru, Phili nata Thawma, Bâthawlawmu nata Mathai, Alphu sawchapawpa Zâmie nata Saimaw, Zilô py liatapa nata Zâmie sawchapawpa Zudâh zy cha ama yna chhôhpadâhpa chô chaipa lâ khy ei ta.

HMOTAOPAZY 12:2

Zawhâna unawhpa Zâmie cha zaozi ta thie ta.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.