LUKA 6:12 - Mara Bible RV (BSI)

¹² Cha nohzy liata, Zisu cha thlahchhâ awpa ta tlâh lâ khy ta, azozâkhihdei ta Khazohpa lâ thlahchhâ ta.

LUKA 6:12 ပူးပေါင်းရင်းမြစ်များ

HLAZY 22:2

Hy ei Khazohpa, nohchhô ta awh na ta, Châhrasala nâ chhy va chi; Zâ ta chhao awh na ta, Apahâna hmô va na.

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.

DÂNIAH 6:10

Pakhâna biepiepa cha moh ro thlupa a châ haw tahpa a pahnopa nahta, Dâniah cha a o lâ thlai a di ta. A o chô chhâh opyzy cha Zerusale lâ paheipa ta pahypa châ ta. A vaw tao tyhpa hawhta, noh kha ta ei thôh a pakhu paneihpa ta, a Khazohpa hmiakô liata thlahchhâpa ta alyna bie reih ta.

MATHAI 5:1

Zisu cha zawpizy a hmô nahta, tlâh lâ kiah ta, a tyuh ta, a pachupazy a hnohta a vy ei ta.

MATHAI 6:6

Nâ deikua cha thlah na chhâ tita, na chhôhpadâhpa lâ a ngia la, ochhi khaw la, na Paw arulâta a ypa lâta thlahchhâ mah y. Na Paw arulâta a hmôtuhpa ta a cha pie aw.

MÂKA 1:35

Mydi kari khih a pavâ hlâta thyu ta, su dâhthlohpa lâ sie ta, cha liata thlahchhâ ta.

MÂKA 3:13

Chatawhcha tlâh lâ khy ta, ano ta a khopazy aw ta, ano lâ a vy ei ta.

MÂKA 6:46

Âmo a pasiesa khai nahta, thlahchhâ awpa ta tlâh lâ kiah ta.

LUKA 5:16

Châhrasala Zisu cha su dâhthlohpa liata thlahchhâ awpa ta sie ha ta.

LUKA 6:11

Ryhpa pachutuhpazy nata Phârisaihzy cha ama pathi ia ngaita ta, Zisu chô liata kheihta tao awpa ma tahpa a chhohia ei ta.

LUKA 6:17

Ama hnohta zu ta, a bypa liata a duah ta. A pachupazy ano lâ a vy ei ta. Zudia râh zydua tawhta nata Zerusale khih tawhta nata tilaipi kiah Tyre nata Sidaw khihzy tawhta chyhsa hluhpi ano lâ a vy ei ta.

LUKA 9:18

Zisu cha ano dei ta thlah a chhâ nota, a pachupazy ano lâ a vy ei ta, ama hnohta, “Chyhsazy ta ahy a châ eina tah ei?” tahpa ta hiahri ta.

LUKA 9:28

Cha biezy cha a rei tawhta noh charie a châ nahta, Zisu cha Pity nata Zawhâna nata Zâmie zy a chhi ta, thlahchhâ awpa ta tlâh lâ kiah ta.

LUKA 9:29

Thlah a chhâ hai nota, a hmiaphaozie a vaw nano ta, a chysiazy vaw dieh khai hapa ta, a thlarawsie ngâ kaw ta.

ZAWHÂNA 6:3

Zisu cha tlâh lâ kiah ta, cha liata a pachupazy hnohta a tyuh ta.

KAOLAOSÂ 4:2

Thlahchhâ lylia u la, nama thlahchhâna liana chata alyna bie reih u la, a hrohrua teh u.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.