LUKA 5:38 - Mara Bible RV (BSI)

³⁸ Kresawhti thiehpa cha savo titheih thiehpa liata ama ryh tyh.

LUKA 5:38 ပူးပေါင်းရင်းမြစ်များ

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

MATHAI 9:17

Savo titheih parohpa liata kresawhti thiehpa ryh beih hra veih ei. Ama ryh khiahta cha, savo titheih cha pa aw ta, kresawhti a leih aw ta, savo titheih cha a parao ha aw. Kresawhti thiehpa cha savo titheih thiehpa liata ama ryh tyh, chatanachata amâ boh raihrie aw,” tah ta.

LUKA 5:37

Ahy hmahta savo titheih parohpa liata kresawhti thiehpa ryh beih veih ei. Ama ryh khiahta cha, kresawhti thiehpa ta savo titheih cha tôhchheih aw ta, kresawhti cha a leih aw ta, savo titheih chhao a rao aw.

LUKA 5:39

Ahy hmahta kresawhti hlôpa a do khai tawhta, a thiehpa doh khoh khao aw vei, ‘Ahlôpa a pha via,’ a tah aw,” tah ta.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

KALATIA 2:4

Krista Zisu liata khotalaina eima hneipa mohparu awpa ta, unawh pakheipazy arulâta eima hry liata a vaw ngia ei ta, seichâna lâ miah a chhi awpa amâ chhuahpa vâta, chopawtaina kyh he a vaw ypa a châ.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

BIEPHUAH 21:5

Beidyuchhai liata a tyuhpa ta, “Moh tua, hmo to a thiehpa ta ei tao haw,” tah ta. “Roh teh, he biezy he ngâ a chhih ta â do,” tah heih ta.