LUKA 5:34 - Mara Bible RV (BSI)

³⁴ Zisu ta âmo cha a chhy ta, “Myuhneituhpa a y chhôh ta, ahneina kyhchhi a hlaopazy kâhvileipa ta nama paysa beih ma?

LUKA 5:34 ပူးပေါင်းရင်းမြစ်များ

HLAZY HLA 5:8

Hy Zerusale zuahzy saih u, Bie ei cha pataihsa ei; Ei lôhdupaw kha nama hmô khiahta cha, Vâiana vâta na a pasa tahpa na vaw chhopa muh vy.

HLAZY HLA 6:1

Hy chanôzy hry liata chhithai chainô, Na lôhdupaw cha khataih lâ a sie haw? Na lôhdupaw cha khataih lâ ma sihnôh a kua haw? Eima cha vaw tluakhei aw hih.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ISAI 62:5

Satlia ta laihsa kôpa a hneipa hawhta, Na sawchapawzy ta cha hnei aw ei ta; Myuhneituhpa ta myuh â lypa hawhta, Na Khazohpa ta a châ ly aw.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

MATHAI 22:2

“Vârâh khinarâh cha abei ta a sawchapawpa châta ahneina kyhchhi a taopa nata pakho theipa a châ.

MATHAI 9:15

Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

LUKA 5:33

Âmo ta Zisu hnohta, “Zawhâna pachupazy cha kâhvileipa ta y tyh ei ta, thlah ama chhâ tyh. Phârisaih pachuna a zyhpazy chhao, cha hawhta ama tao tyh hra. Na pachupazy deikua cha nie ei ta ama doh lymâ,” tah ei ta.

LUKA 5:35

Châhrasala ama hry tawhta myuhneituhpa lana nohzy vaw tlô aw ta, cha nohzy lia deikua cha kâhvileipa ta ama y aw,” tah ta.

ZAWHÂNA 3:29

Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.