LUKA 5:24 - Mara Bible RV (BSI)

²⁴ He hmo he, chyhsa Sawchapawpa he moleinazy a ngiahthai theina biehneina khizaw liata a hnei tahpa nama pahno nawpa ta taopa a châ,” tah ta. Asypa hnohta, “Ei cha chho, thyu la, na hmohphaw la la, na o lâ a di teh,” tah ta.

LUKA 5:24 ပူးပေါင်းရင်းမြစ်များ

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

MATHAI 16:13

Zisu cha Philipi Kaisaria bia a vaw tlô nahta, a pachupazy hnohta, “Chyhsazy ta Chyhsa Sawchapawpa he ahy na a châ ama tah?” tahpa ta hiahri ta.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 9:6

He hmo he, chyhsa Sawchapawpa he moleinazy a ngiahthai theina biehneina khizaw liata a hnei tahpa nama pahno nawpa ta taopa a châ,” tah ta. Asypa hnohta, “Thyu la, na hmohphaw la la, na o lâ a di teh,” tah ta.

LUKA 5:13

Zisu ta a ku pazawh ta, kei hria ta, “Ei khoh na, pathaih mah y,” tah ta. A phawhpa cha thlai lei ha ta.

LUKA 5:18

Asypa pakha a rakhô duata a vaw sy ei ta, Zisu lâ a ngiakhei ta, a hmiakô liata soh awpa a chhuah ei ta.

LUKA 5:23

‘Na moleinazy a ngiahthaipa a châ haw,’ tahpa ma a rei a nao via, ‘Thyu la, phei ta sie teh,’ tahpa maw?

LUKA 7:14

A kei hnia ta, chhâchhua cha kei hria ta, asytuhpazy cha a duah ei ta. “Satliapa, ei cha chho, thyu teh,” tah ta.

LUKA 8:54

Zisu ta hawtinô cha a ku patu ta, aw ta, “Hawtinô, thyu teh,” tah ta.

ZAWHÂNA 11:43

Cha biezy cha a rei khai nahta, ao paro ngaitapa ta awh ta, “Lâzarâh, vaw pua teh,” tah ta.

ZAWHÂNA 17:2

A hnohta na piepa zydua chhâzaw hrona pie awpa ta, ano cha chyhsa zydua chô liata biehneina na piepa a châ.

ZAWHÂNA 3:13

Vârâh tawhta za chôpa Chyhsa Sawchapawpa dei leipa ta cha, vârâh lâ ahy hmah kiah beih veih ei.

ZAWHÂNA 5:27

Chyhsa Sawchapawpa a châpa vâta, a hnohta pachiana biehneina a pie.

HMOTAOPAZY 14:10

Ao paro ngaitapa ta a hnohta, “Na phei ta a duah teh,” tah ta. Ano cha kaw thyu ta, phei ta sie ha ta.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

HMOTAOPAZY 9:34

Pity ta a hnohta, “Ainia, Zisu Krista ta a cha patlâh haw, thyu la na hmohphaw loh teh,” tah ta. Thlai thyu ha ta.

HMOTAOPAZY 9:40

Pity ta ama zydua khôtho lâ papua ta, pakhu paneihpa ta thlahchhâ ta, athihpa ri lâ a heih ta, “Tâbi, thyu teh,” tah ta. Tâbi cha a mo vaw padeih ta, Pity a hmô nahta, a kaw tyuh ta.

BIEPHUAH 1:13

Meiôh patyunazy hry liata chyhsa sawchapawpa a lyupa, a phei pazah taihta poh a bu ta, a chachôhna liata ngôh chaisaihna a saihpa hmô na ta.