LUKA 5:21 - Mara Bible RV (BSI)

²¹ Ryhpa pachutuhpazy nata Phârisaihzy ta ama palôh liata sei ei ta, “Khazohpa a reipachhiepa he ahy ma a châ tly? Khazohpa dei leipa ta ahy ma moleinazy a ngiahthai thei?” tah ei ta.

LUKA 5:21 ပူးပေါင်းရင်းမြစ်များ

HLAZY 103:3

Ano cha na paraona zydua a ngiathaituhpa châ ta, Na pasana zydua patlâhtuhpa a châ.

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 32:5

Ei moleina cha chho na ta, Ei paraona nyu leipa na ta; “Abeipa liata ei paraona ei palâhâh aw,” tah na ta, Ei molei paraona cha einâ ngiahthai ha chi. Selah

HLAZY 35:5

Thlih ta sâh sihpa a phaopa hawhta châ ei sala, Abeipa vâlyuhchâpa ta âmo cha papua mawh sy!

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

DÂNIAH 9:19

Hy Abeipa, thei la, Hy Abeipa, a ngiahthai mah y. Hy Abeipa, nathlie la, hria mah y. Na moh vâta, na khihpi nata na moh a phaohpa na phopi vâta, Hy ei Khazohpa, hawh khah y,” tah na ta.

DÂNIAH 9:9

Zawngiahna nata ngiahthaina cha Abeipa eima Khazohpa eih mâh a châ tâh; ano cha a chariah ha hra sih la,

THEIHTHAINA 24:16

Abeipa moh a reipachhiepa cha thie thlyu awpa châ ta, zawpi zydua ta alô ta ama vawh awpa a châ. Chihropa chhao, a râh chyhsa chhao, Moh a reipachhie khiahta cha thie awpa a châ.

MIKÂ 7:19

Zawh miah a ngiah heih aw ta, Eima moleinazy phei ta a tlypâ aw. Eima moleina zydua cha, Tilaipi ry lâ na thy ha aw.

MATHAI 26:65

Cha khaipa nahta, theihthai beichaipa cha a poh hrie ta, “Khazohpa a reipachhie he zaw. Pahnokheituhpa hropa khazia eimâ ngiah khao aw? Pachâ teh u, tahmâ tlai kha Khazohpa a reipachhiena nama thei khai ha khaw.

MATHAI 9:3

Ryhpa pachutuhpa thokhazy ta ama palôhrupa ta, “He chyhsa heta Khazohpa a reipachhie he,” tah ei ta.

LUKA 3:8

Rona moh phaoh tlâhpa ta pathei teh u. ‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

LUKA 5:17

Noh kha cha a pachu hai nota, cha liata Phârisaihzy nata ryhpa pachutuhpazy a tyuh hra ei ta. Âmo cha Kâlili nata Zudia khih to tawhta nata Zerusale tawhta a vypazy ama châ. Patlâh theina Abeipa hmotaotheina cha Zisu liata y ta.

LUKA 5:22

Zisu ta ama pachâna cha a pahno nahta, “Khazia nama palôh ta nama sei tly?

LUKA 7:49

Pati a dôhlâhpazy ta, “He chyhsa he ahy ma a châ tly, moleinazy taih a ngiahthaipa chyhsa he?” tahpa ta a chhohia ei ta.

ZAWHÂNA 10:33

Zuzy ta a chhy ei ta, “Raihria phapa vâta alô ta eima cha vawh awpa châ leipa ta, chyhsapa châ tlôh chi ta, Khazohpa ta a taopa ta, Khazohpa na reipachhiepa vâta alô ta eima cha vawh awpa a châ,” tah ei ta.

RAWMA 8:33

Khazohpa a tlyhpazy cha ahy a leih aw? Thai pachâsatuhpa cha Khazohpa châ tlôh ta.