LUKA 5:14 - Mara Bible RV (BSI)

¹⁴ Zisu ta a hnohta ta biepie ta, “Ahy hmah chho leipa la, theihthaipa a kei pamosa aw chi ta, na pathaih ha tlai tahpa pahno nawpa ta, Mawsi biepiepa hawhta hmohlâpa kei hlâ mah y,” tah ta.

LUKA 5:14 ပူးပေါင်းရင်းမြစ်များ

THEIHTHAINA 13:2

“Chyhsa ta a pôhpa vo thlohpa tlyma, hmahchaku tlyma, pakheihpa tlyma hnei sala, phawhpa hri a châ awpa hawhta a pôhpa vo liata â lâ khiahta cha, theihthaipa Arawna lâ tlyma, a sawchapawzy hry liata theihthaipa pakha lâ tlyma a chhi awpa a châ.

THEIHTHAINA 13:49

phawhpa hri y sala, cha hri cha chysia liata tlyma, savo liata tlyma, thaitôh liata tlyma, thaipheih liata tlyma, savo ta taopa hmobaoh liata tlyma, a rôh hrohpâpa ta tlyma, saihpâpa ta tlyma ta â vaw lâ khiahta cha, phawhpa hri châ ta, theihthaipa pamosa awpa a châ.

MATHAI 10:18

Zenitaizy hmiakô liata bie pahnotuhpazy châ awpa ta, keima vâta ryureituhpazy nata abeizy hmiakô liata ama châ chhi aw.

MATHAI 12:16

A châna phuah lei awpa ta âmo cha biepie ta.

MATHAI 8:4

Zisu ta a hnohta, “Ahy hmahta chho lei awpa ta a sohsi mah y. Anodeikuacha ama zo thei nawpa ta, sie la, theihthaipa a kei pamosa la, Mawsi ta hmo hlâ awpa a raopa kha kei hlâ mah y,” tah ta.

MATHAI 9:30

Ama mo vaw pavâ ha ta. Zisu ta âmo cha zikyu a râ ta, ama hnohta, “Ahy hmahta pahno lei awpa ta a sohsi muh vy,” tah ta.

MÂKA 1:44

a hnohta, “Ahy hnohta hmahta khâpa hmah reih leipa la, sie la, theihthaipa a kei pamosa la, zawpi pahno awpa ta, Mawsi biepiepa hawhta nâ pathaisana châta atheihna kei hlâ mah y,” tah ta.

MÂKA 6:11

Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta.

LUKA 17:14

Zisu ta âmo cha a hmô nahta, ama hnohta, “Vawh u la, theihthaipazy a kei pamosa teh u,” tah ta. Ama sie hai nota vaw pathaih ha ei ta.

LUKA 5:13

Zisu ta a ku pazawh ta, kei hria ta, “Ei khoh na, pathaih mah y,” tah ta. A phawhpa cha thlai lei ha ta.

LUKA 9:5

Châ ly leipa maih cha, cha khih tawhta nama pua tita, ama thaileichâna pahnosa nawpa ta nama phei liata buchadoh chatho thlu teh u,” tah ta.