LUKA 4:6 - Mara Bible RV (BSI)

⁶ a hnohta, “He zydua chô liata biehneina cha pie aw na ta, a rônahna chhao ei cha pie aw. He zydua he ei hnohta piepa châ ta, kei ta ei khopa maih ei pie tyh.

LUKA 4:6 ပူးပေါင်းရင်းမြစ်များ

ESTHERI 5:11

Hâmâ ta sôh nata piah a hnei hluhzie zy, sawchapaw a hneipa zie zy, abei ta a pakiasâhsana, a palyupalihna nata beimachâ nata chakaotuhpa hropazy hlâta chônô viapa ta a sona thâtihzy âmo cha chho ta.

ISAI 23:9

He hmo he Pheisaihzy Abeipa hmochhuahpa a châ. Amâ palaikheipa rônahna zydua papuapalei ta, Lei chyhsa zachhihpazy noh pazao nawpa ta, Pheisaihzy Abeipa ta tao â chhuahpa hmo a châ.

ISAI 5:14

Chavâta Athihkhih ta a laopalâna pakawhpa ta, A pakah kawhna zie thlie thei lei awpa ta a pakah a â. Zerusale beimachâzy nata zawpizy Athihkhih lâ zu aw ei ta, Sahma sâtlâh paziahpa ta, Khihpi liata a ly kaw tyhpazy chhao, Athihkhih lâ ama zu aw.

LUKA 4:7

Einâ chhy khiah chi ta cha, he zydua he na eih a châ khai aw,” tah ta.

ZAWHÂNA 12:31

Tahmâ he khizaw pachiana daihti châ ta, tahmâ he khizaw bei cha thypa a châ aw.

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

2 KAWRINI 11:14

Cha cha noâhchhihpa châ vei, Sâtâ chhao ta khaihna vâlyuhchâpa hawhta anosasyh ta â tao tyh.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

1 PITY 1:24

“Chyhsa zydua sibiepa hawhta châ ei ta, Ama rônahna zydua chhao, Sibiepa paw hawh dei a châ. Sibiepa cha uah ta, Pawpi chhao a lo tyh.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:2

Sahrâhpa ei hmôpa cha keichhoh lyu ta, a pheizy chavyh phei lyu ta, a pakah cha chakeibarôhneipa pakah a lyu. Sahrâhpa hnohna chata Drâkao ta a hmotaotheina, a beidyuchhai nata biehneina lai ngaitapa pie ta.

BIEPHUAH 13:7

Mopathaihpazy a dyuh ta pahnie awpa ta pasaipa châ ta, chi to, phopi to, reih to nata râh to chô liata biehneina a hnohta piepa a châ.