LUKA 4:41 - Mara Bible RV (BSI)

⁴¹ Ahripazy chyhsa hluhpi chhôh tawhta vaw pua ei ta, “Khazohpa Sawchapawpa na châ!” tahpa ta awh ei ta. Châhrasala âmo cha ra ta, Mesia a châ tahpa ama pahnopa vâta, bie ama rei awpa pasaih leipa ta.

LUKA 4:41 ပူးပေါင်းရင်းမြစ်များ

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MATHAI 4:3

Reipasaotuhpa a vy ta, a hnohta, “Khazohpa Sawchapawpa na châ khiahta cha, alôzy he viahchhâ lâta a vaw lie awpa ta biepie teh,” tah ta.

MATHAI 8:16

Zâlâ a vaw châ nahta, ahripa patupa hluhpi a vaw chhi ei ta, bie ta ahripazy cha papua ta, tlâh leipa zydua patlâh lymâ ta.

MATHAI 8:29

Thata awh ei ta, “Khazohpa Sawchapawpa, kheihta miah tao awpa ma na khoh? Noh taihpa tlô hlâta riethei miah pataosa awpa ta ma nâ vy?” tah ei ta.

MATHAI 8:4

Zisu ta a hnohta, “Ahy hmahta chho lei awpa ta a sohsi mah y. Anodeikuacha ama zo thei nawpa ta, sie la, theihthaipa a kei pamosa la, Mawsi ta hmo hlâ awpa a raopa kha kei hlâ mah y,” tah ta.

MÂKA 1:25

Zisu ta thlahpa cha ra ta, a hnohta, “A chalih la, a chhôh tawhta pua teh” tah ta.

MÂKA 1:32

Cha noh zâlâ noh a tla tawhta, tlâhleipa nata ahripa ta a patupa zydua ano lâ a vaw chhi ei ta.

MÂKA 1:34

Tlâhleipa hluhpi, pasana hri nanopa a ohpazy patlâh ta, ahripa hluhpi papua hra ta. Ahripazy ta ano cha ama pahnopasiapa vâta, bie ama rei awpa pasaih leipa ta.

MÂKA 3:11

Thlahpa chhiepazy ta Zisu ama hmô nahta, a hmiakô liata pao ei ta, “Khazohpa Sawchapawpa na châ,” tahpa ta awh ei ta.

LUKA 4:39

A kiapâh liata a kei duah ta, hrisypa cha ra ta, pai ha ta. Pity pihnô cha thlai thyu ta, âmo cha chakao ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZÂMIE 2:19

Khazohpa cha pakha dei a y tahpa a ngiapâ chi ta, a pha na. Ahripazy chhao ta cha cha a ngiapâ ei ta, amâ chalyu tyh mâh tâh!