LUKA 4:25 - Mara Bible RV (BSI)

²⁵ Châhrasala biedopa ei cha chho ei. Elaizâh hro nota, kô thôh nata thla charu avâ a khaw ta, râh zydua liata chakâhna thata a tlô nona kha, Izarei liata nôhmei hluhpi ama y.

LUKA 4:25 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

ISAI 55:8

Ei pachâpazy cha, Nama pachâpazy châ leipa ta; Nama hroziezy chhao, Ei hroziezy châ vei,” Abeipa ta a tah.

MATHAI 20:15

Kei eih châ ta, kei eih cha ei khozie hawhta tao thei va na ma? Ei riaphapa ma na hiatlia kaw?’ tah ta.

LUKA 10:21

Cha dawh liata Zisu cha Thlahpa Pathaihpa liata a ly ngaita ta, “Hy ei Paw, alei nata avâ Beipa, ei châ ly ngaita na. He hmozy he chyhsa sopa nata novâhpazy liata nyu chi ta, hawtizy hnohta tlao na phualuah. A châ na, ei Paw, cha hawhta tao awpa cha, nâ lyna châ tlôh ta.

RAWMA 9:15

Khazohpa ta Mawsi hnohta, “Ei ngiachhie awpa chyhsa cha ngiachhie aw na ta, zawh ei ngiah awpa chyhsa cha zawh ei ngiah aw,” tahpa ta a vaw reih ha khawh.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

EPHESI 1:9

A hmochhuahpa bienyupa cha, â chhuahpa hawh tlai ta Krista liata a vaw patlôsapa kyh miah a pahnosa haw.

ZÂMIE 5:17

Elaizâh kha keimo hawhpa nôchâ a phaohpa chyhsapa châ ta, avâ suah lei awpa ta phahnai khoh ngaitapa ta thlahchhâ ta, kô thôh nata thla charu chhôh zydua alei chô liata avâ suah khao vei.

BIEPHUAH 11:6

Hrohsona bie ama rei chhôh noh zydua avâ suah lei awpa ta avâ khaw theina hmotaotheina ama hnei. Ama khona daihti maihta thisaih lâta pachâsa awpa ta tizy chô liata chhao biehnei ei ta, khizaw he potlana to ta hrie awpa ta bie ama hnei hra.