LUKA 4:22 - Mara Bible RV (BSI)

²² Chyhsa zydua ta Zisu cha reithai ei ta, ngiachhiena bie a pakah tawhta a puapazy vâta ama noâh kaw ta, “He chyhsa he Zawsi sawchapawpa kha châ vei ma?” tah ei ta.

LUKA 4:22 ပူးပေါင်းရင်းမြစ်များ

HLAZY 45:2

Chyhsa sawzy hlâta chhithai chai chi ta, Na hmaozy liata ngiachhiena hrypa châ ta, Chavâta Khazohpa ta chhâzaw ta vânoh a cha patosa.

HLAZY 45:4

Biehmeiseihpa nata areisina nata siana châta, Nâ beina ta pahniena arâ kiah la, Na ku chachâh lâta hmo rarôh ypazy cha pachu mawh sy!

BIESOZY 10:32

Mosiapa hmaozy ta a pyh tlâhpa pahno ta, Moleipa pakah deikua cha nôchhiena bie a reih tyh.

BIESOZY 16:21

Palôh sopa cha hmo yzie a pahno thaipa tahpa châ aw ta, Reikah thlôhpa ta chyhsa a pahnie tyh.

BIESOZY 25:11

A daihtita ta bie reipa cha, Tâkâ byh liata ngôh epuh hawhta a châ.

BIECHHOTUHPA 10:12

Asopa cha a pakah biezy ta ngiachhiena pahlaosa ta, Ahrupa hmao deikua cha ano a palâtuhpa a châ.

HLAZY HLA 5:16

Ano cha a reikah a thlôh chaipa châ ta, Kho a pao chaipa a châ. Hy Zerusale zuahzy saih u, Ei lôhdupaw cha ano cha châ ta, Ei viasapa cha ano cha na a châ.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

LUKA 2:47

A bie reipa a theipa maihta, a novâhzie nata â chhynazy vâta ama noâh kaw ta.

LUKA 2:48

A nôpawzy ta ama hmô nahta, ama noâh ngaita ta, a nô ta a hnohta, “Ei sawchapawpa, khazia he hawhta miah na tao? Na paw nata thlazoh ngaitapa ta thata eima cha tlua,” tah ta.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

LUKA 4:21

Ama hnohta, “Tanoh nama theina lia tlai ta Biehrai bie â ki haw,” tah ta.

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 6:42

“He he Zawsi sawchapawpa Zisu kha châ vei mâ? A nô nata a paw eima pahnopa kha châ vei ma? Tahmâ kheihtazieta ma, ‘Vârâh tawhta a zâ chôpa ei châ,’ a tah tly?” tah ei ta.

ZAWHÂNA 7:46

Vaituhpazy ta a chhy ei ta, “He chyhsa hawhta ahy hmah bie reih beih veih ei!” tah ei ta.

HMOTAOPAZY 6:10

Châhrasala sona nata Thlahpa ta bie a reipazy cha ei thei leipa ei ta.

TITU 2:8

Na bie reipa â dozie reipasipasua thei awpa a châ leizie palâsa la, miah chakhiatuhpazy ta eima moleina rei awpa pahno leipa aw ei ta, maophyuhpa ta ama y aw.