LUKA 4:2 - Mara Bible RV (BSI)

² Cha liata noh sypalih chhôh ahripa ta reipasao ta. Cha nohzy liata khâpa hmah nie leipa ta, a chhâna lâ cha a no vaw di ha ta.

LUKA 4:2 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

1 ABEIZY 19:8

Elaizâh cha thyu ta, niepa ta doh ta. Cha pati thatlôna chata Khazohpa tlâh Hôribâ taihta noh sypalih nata zâ sypalih sie ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

PUASAINA 24:18

Mawsi cha meihdo hry liata a kei ngia ta, tlâh lâ kiah ta, tlâh liana cha noh sypalih nata zâ sypalih y ta.

PUASAINA 34:28

Mawsi cha, cha liata Abeipa hnohta noh sypalih nata zâ sypalih y ta, pati rai nie leipa ta, ti chhao doh vei. Chatanachata Abeipa ta Biepiepa Miahrawh biehrai biezy cha lôphiazy liata roh ta.

ZAWNA 3:7

Bie papua ta, cha cha Ninivâ khihpi zydua liata paphuahsa ta, “He he bei nata a beimachâzy biepiepa a cha: Chyhsa nata sahroh, viahchao hri nata mietaku zaw zy ta khâpa hmâh ama padi awpa châ vei. Ama nie awpa châ leipa ta, ti chhao ama do awpa châ vei.

MATHAI 21:18

A mylâ mydi ta khihpi lâ â liena lâpi liata, Zisu cha a nodi kaw ta.

MATHAI 4:2

Noh sypalih nata zâ sypalih chaheihpa ta a y tawhta a no vaw di ha ta.

LUKA 4:3

Ahripa ta a hnohta, “Khazohpa Sawchapawpa na châ khiahta cha, he alô he viahchhâ lâta a lie awpa ta biepie teh,” tah ta.

ZAWHÂNA 4:6

Zakaw tikhaoh chhao cha liata a y. Zisu cha a sie rietheipa vâta tikhaoh kiah liata a tyu ta. Nohchhô lichih châ ta.

RYHPACHANEINA 9:18

Molei ha ei chi ta, Abeipa mohmô ta hmo parao ei chi ta, a hie nama pahâh hapa vâta, ei tao tuapa hawhna khata, noh sypalih nata zâ sypalih Abeipa hmiakô liata pao heih na ta, viahchhâ nie leipa na ta, ti chhao doh va na.

RYHPACHANEINA 9:25

“Cha pahleipadia awpa ei ta Abeipa ta bie a reih hapa vâta, Abeipa hmiakô liata pao na ta, noh sypalih nata zâ sypalih ei pao.

RYHPACHANEINA 9:9

Bie rona lôphiazy, Abeipa ta nama hnohta bie a hraina biehrai lôphiazy la awpa ta tlâh lâ ei khy nota, noh sypalih nata zâ sypalih tlâh liata y na ta, viahchhâ rai nie leipa na ta, ti chhao doh va na.

HEBRAI 2:18

Ano tlai ta reipasaona a tyh ta, pasa a vaw tao hapa vâta, reipasaona a tyhpazy a bao thei ei.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

1 SAMUELA 17:16

Philistinâ chyhsa chata my nata zâlâ maihta a vaw hnia ta, noh sypalih chhôh â dua tyhna su liata a vaw duah tyh ta.