LUKA 4:16 - Mara Bible RV (BSI)

¹⁶ Zisu cha a laiseihna Nâzari khih tlô ta. A tao tyhpa hawhta, Pahânoh ta pakhyna o liata a ngia ta, Khazohpa bie reih awpa ta a duah ta.

LUKA 4:16 ပူးပေါင်းရင်းမြစ်များ

MATHAI 2:23

Khihpi miakha, Nâzari ama tahpa lâ sie ta, cha liata kei pahrâ ta. Cha hmo cha, “Ano cha Nâzari chyhsa ama tah aw,” tahpa ta hrohsopazy pakah ta ama reipa kha a vaw tlô thei nawpa ta a châ.

LUKA 2:39

Abeipa ryhpa bie hawhta hmo to zydua ama tao khai tawhta, Kâlili râh liata ama khih Nâzari lâ a lie ei ta.

LUKA 2:42

Zisu cha kô hrawh hleino a châ nahta, ama tao tyhpa hawhta Zerusale lâ khy heih ei ta.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.

LUKA 4:15

Amâ pakhyna ozy liata pachu lymâ ta, chyhsa zydua reithaipa ta y ta.

LUKA 4:17

Hrohsopa Isai châbu chatypa vaw pie ei ta. Châbu chatypa cha pathlâ ta, he hawhta rona su hmô ta,

LUKA 4:21

Ama hnohta, “Tanoh nama theina lia tlai ta Biehrai bie â ki haw,” tah ta.

LUKA 4:23

Ano ta ama hnohta, “Nâmo ta la, ‘Dawhty y, nâmasasyh ta a patlâh teh,’ tahpa bieso na rei thlupa ta, ‘Kâpynia liata na taopa eima theipa kha, na khih liata chhao tao hra mah y,’ nama tah thlyu aw,” tah ta.

ZAWHÂNA 18:20

Zisu ta a chhy ta, “Vâtlâh pahnopa ta khizawpi hnohta bie reih tyh na ta, Zu chyhsa zydua a hmaohpakhyna pakhyna ozy nata Achhyna o liata khâ ei pachu tyh kha zaw. Arulâta khâpa hmah reih va na.

HMOTAOPAZY 17:2

Pawla cha a taozietyhpa hawhta a pakhy hra ta, Pahânoh ei thôh Biehrai pakhâta ta âmo a laichadaikhei ta.