LUKA 3:9 - Mara Bible RV (BSI)

⁹ Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw,” tah ta.

LUKA 3:9 ပူးပေါင်းရင်းမြစ်များ

EZEKIA 31:18

“Idâh thokôzy hry liata rônahna nata palyupalihna liata nâ hawhpa he ahy a y tly? Châhrasala Idâh thozy chhaota alei ry lâ thypa châ aw chi ta, zaozi ta thiepa chopawtaileipazy hry liata nâ zia aw. “Cha hawhna chata Phiraoh nata a zawpi zydua cha ama châ aw,” Abeipa Zehôvâh ta a tah.

DÂNIAH 4:14

A paro ngaitapa ta hetana heta awh ta, ‘Thokô kha thlu la, a chiahzy thlâ la, a hnazy pahrie la, a theizy hiepatla khai teh. A ry tawhta râhsazy pai ei sala, a chiah tawhta pavawzy a zaw khai mawh ei sy.

DÂNIAH 4:23

Avâ tawhta vaituhpa, mo pathaihpa a zâ chôpa ta na hnohta, ‘Thokô kha thlu la, pahleipadia teh; a chuahmi nata alei ry liata a tharizy deikua cha râh sibie panyupazy hry liata pahlôh la, ano cha avâ diati ta padâ sala, a tovyuh cha râhsazy hnohta châ mawh sy, ano châta daihti mia sari a khôna taihta,’ tahpa ta a reipa bie kha,

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

MATHAI 7:19

Thei phapa a pathei leipa tho maih cha thlupa châ ta, mei liata thypa a châ tyh.

LUKA 13:6

Zisu ta he pakhona bie he reih ta: “Chyhsa pakha cha a kre sadô liata theiku kô kha loh ta. A kô liata a thei kei tlua tyh ta, châhrasala thei kha hmahta hmô leipa ta.

LUKA 13:7

Kre zôh mohôhtuhpa hnohta, ‘Moh tua, kô thôh chhôh tlai, he theiku kô liana he a thei tluapa ta a vy tyh na ta, thei kha hmah hmô beih va na. Thlu ha mah y. Alei a pahrâ pahraoh thlâhthlipa dei a châ’ tah ta.

LUKA 13:9

Chatanachata hâhkô a pathei khiahta cha, a phapa châ sala, a pathei vei khiahta deikua cha, thlu thlâh ha lah vâ chi,’ tahpa ta â chhy,” tah ta.

ZAWHÂNA 15:6

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

HEBRAI 10:28

Mawsi ryhpa a papeisa leipazy cha, pahnokheituhpa pano tlyma, pathôh tlyma bie ta, zawngiahna a hlao leipa ta ama thi tyh.

HEBRAI 12:29

eima Khazohpa he a kâ patlô theipa mei châ tlôh ta.