LUKA 3:38 - Mara Bible RV (BSI)

³⁸ Kainanâ cha Enawsâ sawchapawpa châ ta, Enawsâ cha Sethâ sawchapawpa a châ. Sethâ cha Âdâh sawchapawpa châ ta, Âdâh cha Khazohpa sawchapawpa a châ.

LUKA 3:38 ပူးပေါင်းရင်းမြစ်များ

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ÂTHAONA 4:25

Âdâh ta a lapinô a zialâh heih ta, sawchapaw sa ta, a lapinô ta, “Kainâ ta a thie hapa Abela vyuhpa ta Khazohpa ta saw hropa eina pie haw,” tah ta, a moh Sethâ a bi.

ÂTHAONA 4:26

Sethâ ta sawchapaw sa ta, a moh Enawsâ a bi. Cha daihti tawhna chata chyhsazy ta Abeipa moh pado pathao ei ta.

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

LUKA 3:37

Lâmeka cha Methuselâ sawchapawpa a châ. Methuselâ cha Enawka sawchapawpa châ ta, Enawka cha Zare sawchapawpa a châ. Zare cha Mahâlale sawchapawpa châ ta, Mahâlale cha Kainanâ sawchapawpa a châ.

LUKA 4:1

Zisu cha Thlahpa Pathaihpa ta biepa ta Zawdâh chavah tawhta a lie ta, Thlahpa ta râhchawhpa lâ a chhi ta.

1 KAWRINI 15:45

Chavâta, “Chyhsa hmiatua chaipa Âdâh cha chyhsa hrohpa a vaw châ,” tahpa ta ropa a châ. Âdâh hnôhchaipa cha hrona pietuhpa thlahpa a vaw châ haw.

1 KAWRINI 15:47

Âdâh hmiatuapa cha alei tawhtapa châ ta, dohlei ta taopa a châ. Âdâh panona deikua cha vârâh tawhtapa a châ.