LUKA 24:51 - Mara Bible RV (BSI)

⁵¹ Byhnâ a awpa khai nah ei ta, a pachupazy cha a chhaih ta, vârâh lâ a chhipa ta y ha ta.

LUKA 24:51 ပူးပေါင်းရင်းမြစ်များ

2 ABEIZY 2:11

Chatawhcha hmaohkha ta sie lymâ ei ta, bielôhawhpa ama rei hai nota, mei talailih nata mei arâ zy thlai a vaw lâ ta, ama likawh liata vaw tla ta, âmo pano cha vaw pachhaih ta, Elaizâh cha khisô liata vârâh lâ kiah ha ta.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

LUKA 24:50

Bethâni khih kiapâh taihta a pachupazy cha a chhi ta, a bâh pazawh ta âmo cha byhnâ awpa ta.

LUKA 24:52

A pachupazy ta Zisu cha a naoh ei ta, a ly ngaitapa ta Zerusale lâ a lie ei ta,

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

HMOTAOPAZY 1:9

Cha biezy cha a rei khai nahta, ama hmô thlâh ha nota, avâ lâ a chhipa ta y ta, meihdo ta ama hmô khao leina taihta siekhei ha ta.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.