LUKA 24:47 - Mara Bible RV (BSI)

⁴⁷ ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

LUKA 24:47 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 67:7

Khazohpa ta byhnâ miah pie aw ta, Khizaw kaokih ta ano cha chi mawh ei sy!

HLAZY 86:9

Hy Abeipa, phopi na taopa zydua a vy aw ei ta, Na hmiakô liata a bôhpa ta, Na moh ama palyupalih aw.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 49:22

Abeipa Zehôvâh ta hetana heta a tah: “Pachâ teh u, râhzy lâta ei ku pazawh aw na ta, Phopizy lâta keima ngiana poh ei chaluah aw. Na sawchapawzy ama kalachhôh liata a pyhpa ta, Nâ lâ a vaw chhi aw ei ta; Na sawchanôzy chhao ama ngiatlâh liata vaw khaihpa ta, Nâ lâ amâ vaw chhi aw.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 5:4

Ei tao hapazy hleikhô ta, Ei kre sadô châta tao via awpa a y khao ma? Kre thei phapa pathei awpa ei mokhâh hai nota, Khazia ma kre sihpa a pathei thlâh ha tly i?

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 52:15

Râh hluhpizy cha, A thisaih thiapa ta pathaisa aw ta; Ano vâta beizy hmaomopa ta ama y aw. Rei beih leipa hmozy hmô aw ei ta, Thei beih leipa hmozy ama pahno thai aw.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 2:23

Cha chanô cha, Ei châta alei liata loh aw na ta, Lôruhâmâ cha ‘Ei kyhpachâpa’ ei tah aw; Lôami chhao ‘Ei phopi na châ’ tah aw na ta, Ano ta, ‘Ei Khazohpa na châ’ eina tah aw.”

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

HMOTAOPAZY 10:43

Hrohsopa zydua chhao ta, ahy rai ano a ngiapâpa maih cha, ano moh ta moleinazy a ngiahthaipa ama châ aw, tahpa ta ama vaw pahnokhei chhieliepa kha a châ,” tah ta.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

HMOTAOPAZY 28:28

Chavâta Khazohpa pachhana bie cha Zenitaizy lâta paphaopa a châ haw tahpa pahno teh u. Âmo ta la ama nathlie aw,” tah ta.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

HMOTAOPAZY 4:12

Ahy liata hmah pachhana y vei. Avâ ry liata chyhsa moh bipa hry liata miah pachha thei awpa mohropa rai y veih ei,” tah ta.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

RAWMA 5:20

Moleina pôh nawpa ta ryhpa vaw y ta, châhrasala moleina a pôhna lia maihta ngiachhiena a pôh via rili.

EPHESI 1:6

A ngiachhiena rônahzie reithai awpa ta, saw châna cha a Kyhpachâpa liata a saipa ta miah a pie.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

1 ZAWHÂNA 2:12

Sawzy saih u, ano moh ta nama moleinazy a ngiahthaipa a châpa vâta, nâmo lâ ei vaw roh.