LUKA 24:45 - Mara Bible RV (BSI)

⁴⁵ Biehrai biezy ama pahno thei nawpa ta, ama palôh pahy ta,

LUKA 24:45 ပူးပေါင်းရင်းမြစ်များ

ZAWBÂ 33:16

Chyhsazy nah pahy ta, Zikyurâna ta âmo cha a pachisa ei;

HLAZY 119:18

Na ryhpa bie pha ngaitapazy ei hmô pasia thei nawpa ta, Ei mozy pavâsa mah y.

PUASAINA 4:11

Abeipa ta a hnohta, “Ahy ma chyhsapa pakah he a tao? Reih pathlie thei leipazy, nahpâpazy, mopavâpazy nata mochaopazy chhao he, ahy taopa ma a châ? Kei Abeipa ta ei taopa châ vei ma?

LUKA 24:32

“Lâpi liata bie miah a chho ta, Biehrai biezy miah a chhopasia nona kha, eima pathipalôh a kâ ngâ kaw tlai vei ma kha?” tah ei ta.

HMOTAOPAZY 16:14

Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.