LUKA 24:44 - Mara Bible RV (BSI)

⁴⁴ Chatawhcha ama hnohta, “Hezy he ei rei tyhpa, Mawsi Ryhpa liata nata Hrohsopazy Châbu liata nata Hlazy liata ei thâtih ropa zydua a vaw tlô khai awpazie nama hnohta ei y nota ei cha chho tyhpa ei kha a châ,” tah ta.

LUKA 24:44 ပူးပေါင်းရင်းမြစ်များ

ÂTHAONA 14:18

Sale bei Melkizade ta viahchhâ nata kresawhti vaw cheih ta. Ano cha Khazohpa Chônôchaipa theihthaipa a châ.

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 118:22

O satuhpazy alô kho leipa kha, Abôna lô a vaw châ haw.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

ISAI 52:13

Pachâ teh u, nâ chakaotuhpa cha, So kawpa ta hmo a tao aw; Palyupalihpa nata pasâhsapa ta y aw ta, Cheihchalopa ta a y aw.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 33:14

“Pachâ teh, Izarei pathlazy nata Zudâh pathlazy hnohta bie ei taihpa ei patlô nawpa nohzy a vaw tlô hai,” Abeipa ta a tah.

EZEKIA 17:22

“‘Zibeipa Abeipa ta hetana heta a tah: Keima tlai ta sidy tho kithlao liata a chiah thlâ aw na ta, ei loh aw. A kih chhâna liata a chhy panyupazy thlie aw na ta, keima tlai ta tlâh sâhpa laki liata ei loh aw.

EZEKIA 34:23

Nâ chakaotuhpa Dâvi cha âmo vaituhpa ta soh aw na ta, ano ta âmo cha a pasa aw. Âmo cha pasa aw ta, âmo vaituhpa a châ aw.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

ZEKARIA 14:4

Cha noh liata, Zerusale kiah nochhi lâta a ypa Ôli Tlâh liata a phei tlypa ta a duah aw ta, Ôli Tlâh cha nochhi nata notla ta a liah liata a patlaw aw ta, saikao kawh ngaitapa a tao aw. Tlâh khophie maw lâta a pasie aw ta, â khophie chho lâ â pasie aw.

ZEKARIA 6:12

A hnohta, ‘Pheisaihzy Abeipa ta hetana heta a tah: Moh teh, Chhyh tahpa ta moh bipa chyhsa cha, a yna su tawhta a chhyh kaw thao aw ta, ano ta Abeipa Achhyna o a sa aw.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MALUHREINA 21:8

Abeipa ta Mawsi hnohta, “Parih châmaih thatlôpa nothlahpa tao la, atôh liata chaluah mah y. Parih pachupa maihta cha cha ama mo khiahta cha, ama hroh aw,” tah ta.

MALUHREINA 35:25

Zawpizy ta lianycheihtuhpa cha thisaih phuh latuhpa ku tawhta pachha aw ei ta, a boh awpa ta â râna, â bohna khihpi liata ama paysa aw. Sathaw pathaihpa ta sathawthupa theihthai beichaipa a thi hlâlei, cha liata a y thlâh ha awpa a châ.

MATHAI 1:22

Cha hmo zydua cha Abeipa ta hrohsopa pakah hmâpa ta,

MATHAI 16:21

Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

MATHAI 26:54

Châhrasala cha hawhta tao aw sah la, he hawhta vaw châ awpa ta Biehrai ta a reipa kheihta â ki thei aw?” tah ta.

MATHAI 26:56

Châhrasala hrohsopazy ropa Biehrai â ki thei nawpa ta, he hmo zydua he a vaw tlôpa a châ,” tah ta. Cha khai tawhta, pachupa zydua ta ano cha siesaipa ta a râ khai ha ei ta.

MÂKA 9:31

A pachupazy cha pachu ta, ama hnohta, “Chyhsa Sawchapawpa he chyhsazy ku liata hlâpa châ aw ta, thie aw ei ta, ama thie tawhta noh thôh noh ta a thyu heih aw,” tah ta.

LUKA 21:22

Cha nohzy cha phuh lana noh châ aw ta, chatanachata châbie ropa zydua kha â vaw ki aw.

LUKA 22:37

Ei cha chho ei, ‘Ano cha moleipa hry liata rei pâpa a châ,’ tahpa ropa hawhna khata, ei chô liata a vaw tlô tlai awpa a châ. Ei thâtih ama ropa kha a tlô paki haw,” tah ta.

LUKA 24:46

ama hnohta, “Hetana heta ropa a châ: ‘Mesia cha riethei tao aw ta, a noh thôhna noh ta athihpa hry tawhta thyu heih aw ta,

LUKA 9:22

ama hnohta, “Chyhsa Sawchapawpa he pasa hluhpi tao aw ta, machâzy, theihthai beizy nata ryhpa pachutuhpazy ta khoh leipa aw ei ta, thie aw ei ta, noh thôhna noh ta pathyupa a châ aw,” tah ta.

LUKA 9:44

“He biezy he nama nakhaoh liata a ngia mawh sy: Chyhsa Sawchapawpa he chyhsazy ku ta patusapa ta a y aw,” tah ta.

ZAWHÂNA 3:14

Mawsi ta râhchawhpa liata parih a chaluahpa hawhna khata, Chyhsa Sawchapawpa he chaluahpa a châ aw,

ZAWHÂNA 5:39

Biehrai bie nama tlua tyh, a chhôh liata chhâzaw hrona a y tahpa nama pangiasapa vâta. Cha Biehrai tlai cha nâ pahnokheituhpa a châ.

ZAWHÂNA 5:46

Mawsi nama zo khiahta cha, kei chhao eina zo awpa ei chi a châ. Mawsi cha keima thâtih a rohpa a châpa kha.

HMOTAOPAZY 13:33

Cha bietai cha Khazohpa ta Zisu a pathyuna liata, keimo ama pathlazy liata a vaw tlôpa a châ. Hlazy nuby mianona lia chhao ta, “‘Ei Sawchapawpa châ chi ta, Tanoh he na paw ei châ,’ tahpa ropa a châ.

HMOTAOPAZY 13:40

Chavâta a hrohrua teh u, chataleipatala, hrohsopazy châbu ta,

HMOTAOPAZY 2:27

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HMOTAOPAZY 3:18

Khazohpa ta hrohsopa zydua pakah ta a Mesia cha riethei a tao awpa a châna kyh a vaw reih chhieliepa kha, a vaw patlôsapa a châ.

HMOTAOPAZY 7:37

Cha Mawsi cha Izarei sawzy hnohta, ‘Khazohpa ta keima hawhpa hrohsopa he nama unawhzy tawhta a cha paduapa aw ei,’ a tahtuhpa kha a châ.

HEBRAI 10:1

Ryhpa cha hmo phapa a vaw y awpazy nohpahlipa dei châ ta, a hmeiseihpa a châ leipa vâta, kô chareih ta atheihna hlâ tyhpa a châpa chhao ta, a hlâtuhpazy châta pakina tlôkhei thei beih vei.

HEBRAI 3:5

Hmialâ daihti liata bie rei awpazy pa-i nawpa ta, Mawsi cha Khazohpa o liata chakaotuhpa ngâchhihpa châ ta,

HEBRAI 7:1

Cha Melkizade, Salem bei nata Khazohpa Chônôchaipa theihthaipa chata, abeizy a thie khai tawhta â vaw liepa Abarahâ cha kei dy ta, byhnâ awpa ta,

HEBRAI 9:8

Cha hmo paryhzie tawhna chata Thlahpa Pathaihpa ta he he a pahnosa: Achhyna byureih tytuapa â dua chhôh cha, Su Pathaih Chaipa liata angiana lâpi pahypa châ mâh vei.

1 PITY 1:11

âmo liata a ypa Krista Thlahpa ta Krista pasa tao awpa nata cha khai tawhta palyupalihna a vaw pazi awpazy kyh ama rei chhielie nona khata, khati ta ma vaw tlô aw ta, kheihawh ta a vaw tlô awpa ma a châ tahpa zy amâ laichadai tyh.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.