LUKA 24:39 - Mara Bible RV (BSI)

³⁹ Ei kuzy ei pheizy he moh tua u, keima tlai kha ei châ hih. Na vaw hria u la, na moh teh u. Keima eina hmôpa hawhna ei chi heta, thlahpa cha sapa nata rupa hnei vei,” tah ta.

LUKA 24:39 ပူးပေါင်းရင်းမြစ်များ

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

LUKA 23:46

Zisu cha ao paro ngaitapa ta awh ta, “Ei Paw, na ku liata ei thlahpa ei cha pavaosa!” tah ta. Cha bie cha a rei khai nahta, a thlahpa pathlie ha ta.

LUKA 24:38

Zisu ta ama hnohta, “Khazia tymâpa ta nama y? Khazia nama palôh liata a lôh leina a y?

LUKA 24:40

Cha bie cha a rei khai nahta, a ku nata a pheizy cha âmo pahmô ta.

ZAWHÂNA 20:20

Cha bie cha a rei khai nahta, a ku nata a kâ zy âmo pahmô ta. Abeipa cha ama hmô nahta, pachupazy cha a ly ngaita ei ta.

ZAWHÂNA 20:25

Pachupa hropazy ta a hnohta, “Abeipa eima hmô haw,” tah ei ta. Châhrasala ano ta ama hnohta, “A ku thua khaina hmahdawzy kha hmôpa ta, thua khaina hmahdawzy cha ei kudy ta hriapa ta, a kâ liata ei ku ei chapao ha tua leipa ta la, zo aw va na,” tah ta.

ZAWHÂNA 20:27

Thawma hnohta, “Na kudy ta vaw hria la, ei kuzy he moh tua. Na ku vaw paza la, ei kâ liata vaw chapao tua. Zo leipa ta y leipa la, zo mah y,” tah ta.

HMOTAOPAZY 1:3

Riethei a tao khai tawhna khata, noh sypalih tlai a pachupazy hnohta a luah ta, Khazohpa khinarâh thâtih reih lymâ ta, a hroh ha heih tahpa pasia nawpa ta kyh hluhpi ta â pahnosa.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

HEBRAI 12:9

Cha dei châ vei, lei liata miah chhoreituhpa pawzy hnei pi ta, âmo cha eima za ngaita. Eima hroh thei nawpa ta, eima thlahpazy Paw cha, cha hlâta tha via ta eima za awpa châ vei ma?

1 ZAWHÂNA 1:1

Hrona bie, âthaona liata a ypa, eima nah ta thei pi ta, eima mo ta eima hmôpa, moh thlâh ha pi ta, eima ku ta eima hriapa thâtih cha he he a châ.