LUKA 24:36 - Mara Bible RV (BSI)

³⁶ Cha biezy cha ama rei hai nota, Zisu cha ama hry liata a vaw duah ta, ama hnohta, “Nama chô liata thlahlôhna y mawh sy,” tah ta.

LUKA 24:36 ပူးပေါင်းရင်းမြစ်များ

ISAI 57:18

A hroziezy hmô na ta, Châhrasala ei patlâh pyly aw. Ano cha a chhi aw na ta, Thlalôhna ei pie heih aw; Ano châta mâchhie a sapazy chhao, Thlalôhna ei pie heih aw.

MATHAI 10:13

Cha o liata chyhsazy cha a naoh tlâh ama châ khiahta cha, nama thlapalôhna bie ama chô liata tlô sala, a naoh tlâh ama châ vei khiahta deikua cha, nama thlapalôhna bie cha nâmo lâ vaw kua heih mawh sy.

MÂKA 16:14

Cha khai tawhta, pahrawh hleikhazy tlâhkhai liata pati ama dôh hai nota, ama hnohta a luah heih ta. A thyuheih tawhta a hmôtuhpazy bie ama zo leipa vâta nata amâ ngiapâleina nata ama palôh kuhchhana vâta âmo cha ra ta.

LUKA 10:5

O namâ ngiapa maih liata, a hmiatua chai ta, ‘He o liata thlalôhna vaw tlô mawh sy!’ nama tah lymâ aw.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 20:26

Noh charie a châ tawhta, a pachupazy cha o chhôh liata y heih ei ta. Thawma chhao ama hnohta y hra ta. Ochhizy khaw hapa a châ tarawpa ta, Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

HMOTAOPAZY 1:3

Riethei a tao khai tawhna khata, noh sypalih tlai a pachupazy hnohta a luah ta, Khazohpa khinarâh thâtih reih lymâ ta, a hroh ha heih tahpa pasia nawpa ta kyh hluhpi ta â pahnosa.

1 KAWRINI 15:5

Kephâ hnohta a luah ta, cha hnôhlâ ta pahrawh hleino hnohta a luah ta.

1 KAWRINI 15:7

Cha khai tawhta Zâmie hnohta a luah ta, lyuhchâpa zydua hnohta â luah heih.

2 THYSALAWNIKA 3:16

Thlalôhna Beipa ta kyh to liata thlalôhna cha pie lymâ mawh ei sy. Abeipa cha nama zydua hnohta y mawh sy.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,