LUKA 24:30 - Mara Bible RV (BSI)

³⁰ Pati nie awpa ta ama hnohta tlâhkhai liata a dôh nahta, viahchhâ la ta, byhnâ aw ta, pachhaih ta, ama hnohta pie ta.

LUKA 24:30 ပူးပေါင်းရင်းမြစ်များ

MATHAI 14:19

Zawpizy cha sibiepa chô liata a tyuh awpa ta biepie ta, viahchhâ tlâ pangawh nata ngasa miano cha la ta, avâ lâ moh ta, byhnâ aw ta. Chatawhcha viahchhâ cha eichheih ta a pachupazy hnohta pie ta, pachupazy ta zawpizy cha rai ei ta.

MATHAI 15:36

viahchhâ tlâ sari nata ngasazy cha la ta, alyna bie a rei khai nahta, eichheih ta, a pachupazy hnohta pie ta, pachupazy ta zawpizy cha rai ei ta.

MATHAI 26:26

Ama nie hai nota, Zisu ta viahchhâ la ta, byhnâ a aw khai nahta, pachhaih ta, pachupazy pie ta, ama hnohta, “La u la, nie teh u, he he ei sapa a châ,” tah ta.

MÂKA 14:22

Ama nie hai nota, Zisu ta viahchhâ la ta, byhnâ a aw khai nahta, eichheih ta, ama hnohta pie ta, “Nie teh u. He he ei sapa a châ,” tah ta.

MÂKA 6:41

Zisu ta viahchhâ tlâ pangawh nata ngasa miano cha la ta, avâ lâ ua ta, byhnâ aw ta. Viahchhâzy cha eichheih ta, zawpizy rai awpa ta a pachupazy pie ta. Ngasa mianopa cha pachhaih ta ama zydua ta rai ta.

MÂKA 8:6

Zawpizy cha alei liata patyusa ta. Viahchhâ tlâ sari cha la ta, alyna bie a rei khai nahta, eichheih ta, zawpizy rai awpa ta, a pachupazy cha pie ta. Pachupazy ta zawpizy cha rai ei ta.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

LUKA 24:29

Châhrasala thlyu ei ta, “Eima o liata tlô mah y, zâlâ ha ta, noh chhao a tla daihmâ ha hih,” tah ei ta. Chatanachata ama o liata tlô awpa ta a ngia ta.

LUKA 24:35

Âmo chhao ta, lâpi liata hmo a vaw tlôpa nata viahchhâ a pachhaih nota a hmia ama pahno hanazie zy chho hra ei ta.

LUKA 9:16

Viahchhâ tlâ pangawh nata ngasa miano cha la ta, avâ lâ uapa ta byhnâ aw ta. Viahchhâ cha pachhaih ta, zawpi rai awpa ta pachupazy cha pie ta.

ZAWHÂNA 6:11

Zisu ta viahchhâ cha la ta, alyna bie a rei khai nahta, a tyuhpa sahlaozy cha rai ta. Ngasazy chhao ama khona zie ta rai ta.

HMOTAOPAZY 2:42

Ngiapâtuhpazy cha lyuhchâpazy pachuna dao awpa ta zy, akaona hnei awpa ta zy, viahchhâ pachhaih awpa ta zy, thlahchhâ awpa ta zy ta phahnai khoh ngaitapa ta y tyh ei ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 27:35

Cha bie cha a rei khai nahta, viahchhâ la ta, chyhsa zydua hmiakô liata Khazohpa lâta alyna bie reih ta, pachhaih ta, nie ta.