LUKA 24:27 - Mara Bible RV (BSI)

²⁷ Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

LUKA 24:27 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 132:11

Abeipa ta Dâvi hnohta hetana heta bie a taih ha ta, A bietai pathleih aw vei: “Na sathei pakha na beidyuchhai liata patyu aw na ta,

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ISAI 9:1

Châhrasala thlazohpa ta a ypa châta zohmyh a ti khâh khao aw vei. Hlâno ta cha Zebulawna nata Nâthalai râh cha râh zachhih leipa ta tao ta, châhrasala hnôhlâ ta tilaipi pangaina Zawdâh haosâ lâta a ypa phopizy Kâlili râh cha, râh rônahpa ta a tao haw.

EZEKIA 34:23

Nâ chakaotuhpa Dâvi cha âmo vaituhpa ta soh aw na ta, ano ta âmo cha a pasa aw. Âmo cha pasa aw ta, âmo vaituhpa a châ aw.

EZEKIA 37:25

Nâ chakaotuhpa Zakaw hnohta râh ei piepa, châ pathlatuhpazy vaw pahrâ tyhna râh liata ama pahrâ aw. Cha liata âmo nata ama sawzy nata ama samohzy chhâzaw ta pahrâ aw ei ta, nâ chakaotuhpa Dâvi cha chhâzaw ta ama bei a châ aw.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

MIKÂ 5:6

Asuria cha zaozi ta parao aw ei ta, Nimraw râh cha â ngiana liata ama parao aw. Asuria cha eima râh lâ a vy sala, Eima râh chhôh liata a phei a vaw tly tita, Ano ta miah a pachha aw.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MALUHREINA 21:14

Chavâta Abeipa Adyuhnazy châbu liata, “Supha liata Vâhe nata Anaw saikaozy cha,

MÂKA 4:34

Pakhona bie hmâ leipa ta ama hnohta reih beih vei. A pachupazy hnohta deikua cha, arulâta ato a chhopasia tyh ei.

LUKA 24:25

Zisu ta ama hnohta, “Hy ahrupa saih u! Hrohsopazy bie reipa zydua a ngiapâ nawpa kyh liata nainôsôpazy saih u!

LUKA 24:44

Chatawhcha ama hnohta, “Hezy he ei rei tyhpa, Mawsi Ryhpa liata nata Hrohsopazy Châbu liata nata Hlazy liata ei thâtih ropa zydua a vaw tlô khai awpazie nama hnohta ei y nota ei cha chho tyhpa ei kha a châ,” tah ta.

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 12:41

A rônahzie hmô ta, a thâtih a chhopa vâta, cha biezy cha Isai ta a reipa a châ.

ZAWHÂNA 5:37

Nâ tuahtuhpa Paw cha ei thâtih nâ pahnokheituhpa a châ. A ao thei beih leipa ei chi ta, a hmia hmô beih hra veih ei chi.

ZAWHÂNA 5:39

Biehrai bie nama tlua tyh, a chhôh liata chhâzaw hrona a y tahpa nama pangiasapa vâta. Cha Biehrai tlai cha nâ pahnokheituhpa a châ.

HMOTAOPAZY 10:43

Hrohsopa zydua chhao ta, ahy rai ano a ngiapâpa maih cha, ano moh ta moleinazy a ngiahthaipa ama châ aw, tahpa ta ama vaw pahnokhei chhieliepa kha a châ,” tah ta.

HMOTAOPAZY 3:18

Khazohpa ta hrohsopa zydua pakah ta a Mesia cha riethei a tao awpa a châna kyh a vaw reih chhieliepa kha, a vaw patlôsapa a châ.

HMOTAOPAZY 3:22

Mawsi tlai ta, ‘Abeipa Khazohpa ta keima hawhpa hrohsopa he nama unawhzy hry tawhta a cha paduapa aw ei. A biereipa maih nama nathlie awpa a châ.

HMOTAOPAZY 3:24

Samuela nata a hnôhlâ ta hrohsopa a vaw ypa zydua chhao ta reih khai ei ta, he nohzy kyh he ama vaw phuah haw.

HMOTAOPAZY 7:37

Cha Mawsi cha Izarei sawzy hnohta, ‘Khazohpa ta keima hawhpa hrohsopa he nama unawhzy tawhta a cha paduapa aw ei,’ a tahtuhpa kha a châ.

HMOTAOPAZY 8:35

Phili cha a pakah â ta, cha Biehrai bie tawhta pathaopa ta, Hrilyupa cha Zisu thâtihpha chho ta.

RYHPACHANEINA 1:45

Vaw kua ei chi ta, Abeipa hmiakô liata cha ei chi ta, châhrasala Abeipa ta nama ao nathlie leipa ta, nâmo lâta a nah pachôh khoh khao vei.

RYHPACHANEINA 18:15

“Abeipa nama Khazohpa ta keima hawhpa hrohsopa nama unawhzy hry tawhta cha paduapa aw ei ta, a bie nama nathlie awpa a châ.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.