LUKA 23:56 - Mara Bible RV (BSI)

⁵⁶ O lâ a di ei ta, ropahâhpa nata sathawzy a chhuanoh ei ta. Pahânoh cha biepiepa hawhta a pahâ ei ta.

LUKA 23:56 ပူးပေါင်းရင်းမြစ်များ

2 THÂTIHZYRONA 16:14

Dâvi khihpi liata ano châta thlâ â taopa liata pabu ei ta. Ropahâhpa taotuhpazy ta ia-ô chi to tawhta ama taopa ropahâhpa to ta a biepa rakhô liata pazia ei ta, ano palyupalihna châta mei thata patih ei ta.

PUASAINA 31:14

Pahânoh cha nama châta noh pathaihpa a châpa vâta nama chay awpa a châ. Pahânoh a papuapaleipa maih cha thie thlyu awpa châ ta, cha noh liata raihria kheihawhpa rai a hriapa chyhsa cha, a phopi tawhta chhawh pathlahpa a châ aw.

MÂKA 16:1

Pahânoh a chhâ nahta, Mâri Mâdali, Zâmie nô Mâri nata Salawmi zy cha, Zisu sathawthu awpa ta ropahâhpa chalei ei ta.

LUKA 24:1

Hâta noh hmiatua chaipa mydi kari ta, chanôzy cha ropahâhpa amâ chhuanohpazy a cheipa ta, thlâ lâ vawh ei ta.

RYHPACHANEINA 5:14

A noh sarina noh deikua cha, Abeipa na Khazohpa châta Pahânoh a châ. Cha noh liata cha khâpa rai hmah na hria awpa châ vei. Nâ chhao, na sawchapaw chhao, na sawchanô chhao, na seichapaw chhao, na seichanô chhao, na viahchao tôhpa chhao, na alâ chhao, na sahroh zydua nata na o liata chihropa a ypa zydua ta rai nama hria awpa châ vei. Nâ hawhta, na seichapawzy nata na seichanôzy chhao Pahânoh liata cha amâ pahâ khai aw.