LUKA 23:43 - Mara Bible RV (BSI)

⁴³ Zisu ta a hnohta, “Hmeiseihta ta ei cha chho, tanoh he ei hnohta Pârâdi liata na y aw,” tah ta.

LUKA 23:43 ပူးပေါင်းရင်းမြစ်များ

HLAZY 32:5

Ei moleina cha chho na ta, Ei paraona nyu leipa na ta; “Abeipa liata ei paraona ei palâhâh aw,” tah na ta, Ei molei paraona cha einâ ngiahthai ha chi. Selah

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

LUKA 19:10

Leidiapazy tlua ta pachha awpa ta, Chyhsa Sawchapawpa he â zupa rai a châ,” tah ta.

LUKA 23:42

Chatawhcha Zisu hnohta, “Zisu, na khinarâh na tlô tita nâ thei mah y,” tah ta.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

2 KAWRINI 5:8

Thlalôhpa ta eima y. Pôhpa o liata y leipa ta, eima y nawpa o liata Abeipa hnohta y awpa eima khoh via.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.