LUKA 23:41 - Mara Bible RV (BSI)

⁴¹ Keimo la hrie tlâh rai eima châ. Eima hmotaopa ty eima hmôpa a châ hih. He chyhsa deikua he cha, khâpa hmah parao vei,” tah ta.

LUKA 23:41 ပူးပေါင်းရင်းမြစ်များ

2 THÂTIHZYRONA 33:12

Nôpo ngaitapa ta a y nahta, Abeipa a Khazohpa ngiachhiena a haw ta, a pathlatuhpazy Kha­zohpa hmiakô liata a panawh ta.

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

NEHEMIAH 9:3

Ama su chyu liata a duah ei ta, Abeipa ama Khazohpa Ryhpa Châbu cha dawh thôh chhôh reih ei ta, dawh thôh hropa chhôh ama moleinazy reihpha cheipa ta Abeipa ama Khazohpa a chhy ei ta.

DÂNIAH 9:4

Abeipa ei Khazohpa lâ thlahchhâ na ta, a phuah na ta, a hnohta, “Hy Abeipa, Khazoh rônahpa nata noâhchhihpa, ano kyhpachâ ta, a biepiepazy a zyhtuhpa hnohta a bietai patlôsa ta phana a palâsa tyhpa y,

MATHAI 27:19

Cha dei châ vei. Pilâ cha ryureina dyuchhai liata â tyuh thlâh ha nota, a lapinô ta, “Kha chyhsa siapa chô liana khata kheihta hmah tah khah y. Tanoh ano vâta ei mâ liata pasa thata ei tao,” tahpa ta bieta ta.

MATHAI 27:24

Pilâ ta khâpa hmahta tao thei leipa ta, tlao â tymâ via rilipa a hmô nahta, ti la ta, zawpi hmiakô liata a ku a si ta, “He chyhsa siapa thisaih liana heta ei pathaih na, nâmo tao ta tao teh u,” tah ta.

MATHAI 27:4

Ama hnohta, “Pei hria leipa thisaih ei paphasaipa vâta, ei vaw molei haw,” tah ta. Âmo ta, “Cha cha keimo châta khâpa a pei aw? Nâma tao ta tao teh” tah ei ta.

MATHAI 27:54

Pheisaih za kha hyutuhpa nata a hnohta Zisu vaituhpazy ta, alo a sihpa nata hmo a ypazy cha ama hmô nahta, chi ngaita ei ta, “Hmeiseihta ta, he he Khazohpa Sawchapawpa a châ tlai na!” tah ei ta.

LUKA 23:40

Pakhapa ta ano cha ra ta, “Khazohpa tlai chhao chi va chi ma? Thaileichâna miakha ta hriepa nama châpa he.

LUKA 23:42

Chatawhcha Zisu hnohta, “Zisu, na khinarâh na tlô tita nâ thei mah y,” tah ta.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.

ZÂMIE 4:7

Chavâta Khazohpa liata a ngiarih teh u. Ahripa a dyuh u la, a châ râsai aw ei.

1 PITY 1:19

mietakutaw seina hnei leipa nata apuapa a bai leipa thisaih hawhta Krista thisaih sôhpa ta chatlaipa nama châpa nama pahno.

1 PITY 2:23

Reipachhiepa ta a y nota, reipachhie hri leipa ta, pasa taopa ta a y nota, pachhipary hra vei. Â dopa ta pachiatuhpa hnohta tlao â hlâ tyh.