LUKA 23:30 - Mara Bible RV (BSI)

³⁰ Cha tina chata chyhsazy ta tlâhpizy hnohta, ‘Miah vi teh,’ tah aw ei ta; tlâhthlôhzy hnohta, ‘Miah khu teh,’ ama tah aw.

LUKA 23:30 ပူးပေါင်းရင်းမြစ်များ

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

HÔSIA 10:8

Izarei moleina Ave su sâhpazy cha, Paraopa a châ aw. Ama maisâhzy liata Diahsai nata ahlohzy pyuh aw ta, Tlâhpizy hnohta, “Miah vao teh,” tah aw ei ta, Tlâhthlôhzy hnohta, “Miah vi teh,” ama tah aw.

LUKA 23:31

Tho hrohpa chô lia hmahta cha hawhta ama tao khiahta cha, tho raohpa chô liata chhochhi cha, khatlu ta ma ama tao aw tly?” tah ta.

BIEPHUAH 6:16

tlâhpizy nata lôpanôzy hnohta, “Miah vi u la, beidyuchhai liata atyuhpa hmiakô tawhta nata Mietakutaw hiehâhna tawhta miah nyu teh u.

BIEPHUAH 9:6

Cha nohzy liata chyhsazy ta thina tlua aw ei ta, châhrasala hmô aw veih ei. Thi khoh ngaita aw ei ta, châhrasala thina ta a râsai aw ei.