LUKA 23:29 - Mara Bible RV (BSI)

²⁹ Moh teh u, nohzy a vaw tlô hai. Cha nohzy liata, ‘Chanô chohpa nata nawh â choh beih leipa chhi nata nawh ta a pazy beih leipa sâhpi zy cha ama nohlao na!’ ama tah aw.

LUKA 23:29 ပူးပေါင်းရင်းမြစ်များ

BIECHHOTUHPA 4:3

Athipa nata ahrohpa hlâ chhao ta, a pih leipa, noh ry liata moleina hmotaopa rai a hmô leipa châ awpa a pha via syulyu.

HÔSIA 13:16

Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

MATHAI 24:19

Cha nohzy liata chanô sawphaohpa nata hawsaih a pyh haipazy hupo awpa rimâ cha!

LUKA 11:27

Cha biezy cha a rei hai nota, zawpi hry tawhta chanô pakha ta vaw awh ta, a hnohta, “Nâma châ phaohtuhpa chhi cha a nohlao kaw dia! A sâhpi na pazypa chhao a nohlao kaw dia,” tah ta.

LUKA 23:28

Zisu cha âmo lâ a heih ta ama hnohta, “Zerusale sawchanôzy saih u, na chakhei khah u, nâmo nata nama sawzy châta tlao cha teh u.