LUKA 22:53 - Mara Bible RV (BSI)

⁵³ Achhyna o liata nama hnohta noh chareih y na ta, na hria tlôh ei chi va. Châhrasala tahmâ he nâmo daihti châ ta, zohna biehneina daihti a châ,” tah ta.

LUKA 22:53 ပူးပေါင်းရင်းမြစ်များ

ZAWBÂ 20:5

Hmoparaopa thaphana cha chyuta ta, Khazoh a pahno leipa alyna cha buakha deita a châ tahpa pahno beih va chi ma?

MATHAI 21:23

Zisu cha Achhyna o liata a ngia ta, a pachu hai no ta, theihthai beizy nata khitlâh machâzy ano lâ a vy ei ta, a hnohta, “Khâpa biehneina ta ma he hmozy he na tao? Ahy ma he biehneina he châ pie?” tah ei ta.

LUKA 22:52

Zisu ta ano patu awpa ta â vypa theihthai beizy, Achhyna o hyutuhpazy nata machâzy hnohta, “Hraotuhpa patu awpa hawhta ma, zaozizy, byuhthôzy chhaota nama vaw pua?

LUKA 22:54

Chatawhcha Zisu cha patu ei ta, puakheipa ta, theihthai beichaipa o lâ a chhi ei ta. Pity cha lâhlapi ta pazi laih ta.

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

ZAWHÂNA 13:30

Viahchhâ a dao khaipa nata, Zudâh cha thlai pua ta, cha nona cha zâ châ ha ta.

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 7:30

Chatanachata patu a chhuah ei ta, châhrasala a daihti a tlô mâh leipa vâta, ahy hmahta Zisu cha hria thei veih ei.

ZAWHÂNA 7:45

Vaituhpazy cha theihthai beizy nata Phârisaihzy lâ a vaw lie ei ta, âmo ta vaituhpazy hnohta, “Khazia namâ vaw chhi vei?” tah ei ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

EPHESI 6:12

Eimâ piapazy he sapa nata thisaih châ leipa ei ta, abeinazy, biehneinazy, he khizaw zohna chô liata hmotaotheinazy nata avâ suzy liata a ypa thlahpa moleipazy tlao ama châ.

KAOLAOSÂ 1:13

Khazohpa ta zohna biehneina tawhta miah pachha ta, a Sawchapawpa kyhpachâ ngaitapa khinarâh lâ miah â chhi haw.