LUKA 22:52 - Mara Bible RV (BSI)

⁵² Zisu ta ano patu awpa ta â vypa theihthai beizy, Achhyna o hyutuhpazy nata machâzy hnohta, “Hraotuhpa patu awpa hawhta ma, zaozizy, byuhthôzy chhaota nama vaw pua?

LUKA 22:52 ပူးပေါင်းရင်းမြစ်များ

2 ABEIZY 11:15

Theihthaipa Zehôdâ ta pheisaih hyutuhpazy biepie ta, “Pheisaihzy ta chadô ei sala, vaw puakhei u la, ahy rai ano a pazipa maih cha zaozi ta thie teh u,” tah ta. Theihthaipa ta, “Abeipa o liata thie awpa châ vei,” tah ta.

MATHAI 26:47

A rei hai nota, pahrawh hleino hry liata pakha, Zudâh cha a vy ta, zawpi hluhpi chhao zaozi nata thothuzy a chabapa ta a hnohta a vy ei ta. Theihthai beizy nata khitlâh machâzy taihta a hlao ei ta.

MATHAI 26:55

Cha dawh liata Zisu ta zawpi hnohta, “Hraotuhpa patupa hawhta patu awpa ta ma, zaozi nata byuhthô ta einâ vyhnao ei chi? Achhyna o liata noh chareih bie pachupa ta a tyuh tyh na ta, na patu tlôh ei chi va.

LUKA 22:37

Ei cha chho ei, ‘Ano cha moleipa hry liata rei pâpa a châ,’ tahpa ropa hawhna khata, ei chô liata a vaw tlô tlai awpa a châ. Ei thâtih ama ropa kha a tlô paki haw,” tah ta.

LUKA 22:4

Theihthai beizy nata hyutuhpazy lâ vawh ta, Zisu a patusa thei awpa kyh âmo cha kei chho ta.

LUKA 22:51

Zisu ta, “Â daih,” tah ta. A nakao cha hria ta, patlâh ta.

LUKA 22:53

Achhyna o liata nama hnohta noh chareih y na ta, na hria tlôh ei chi va. Châhrasala tahmâ he nâmo daihti châ ta, zohna biehneina daihti a châ,” tah ta.

ZAWHÂNA 17:12

Nâ ta eina piepazy chi he, ama hnohta ei y chhôh ta na moh ta ei hrôbieh ei. Âmo cha vaih na ta, Biehrai bie pakisa nawpa ta leidia sawchapawpa dei leipa khata cha, ama hry liata pakha hmah leidia veih ei.

HMOTAOPAZY 5:26

Achhyna o hyutuhpa cha chakaotuhpazy a chhipa ta vawh ta, zawpi ta alô ta ama vawh awpa ama chipa vâta, thachahra hmâ leipa ta lyuhchâpazy cha a vaw chhi ei ta.