Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.
“Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?
“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.
Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.